OMS: koronabanakisɛ jujɔn bɛrɛ-bɛrɛ ma dɔn

OMS ka sɛgɛ-sɛgɛlikɛw Wuhan pankuru jigiso la, yasa ka koronabana buruju dɔn. Février kalo tile 10, san  2021.
OMS ka sɛgɛ-sɛgɛlikɛw Wuhan pankuru jigiso la, yasa ka koronabana buruju dɔn. Février kalo tile 10, san 2021. REUTERS - ALY SONG

Diɲɛ kɛnɛya ko tɔnba "OMS" ka sɛgɛ-sɛgɛlikɛlaw minnu tun taara koronabanakisɛ jujɔn sɛgɛ-sɛgɛ Chine jaman kɔnɔ. U y'u ka jabiw da kɛnɛ kan kunu taratadon. Alibi bana in buruju bɛrɛ bɛrɛ ma don.Nka "OMS" ɲamaa y'a ka dusuma kasi jira sabu la Chine jamana ma sɔn ka sira di sɛgɛ-sɛgɛlikɛlaw ma u ka baara k'u  sago la. 

Ganseli

"OMS" sɛgɛ-sɛgɛlikɛlaw ma se ka koronabanakisɛ jujɔn bɛrɛ don. Nka u ko min ka surun tiɲɛ na, o ye k'a bi sɔrɔ banakisɛ bɔra ntɔnso la, ka don bagan wɛrɛ la ka bɔ o la ka sɔrɔ ka yɛlɛma ka don adamaden na.

Siga min tun bɛ ko banakisɛ bɔra sɛgɛ-sɛgɛliso kɔnɔ ka cari, o cɛ ka jan tiɲɛ ma, a tɛ se ka k'o ye sɛgɛ-sɛgɛlikɛlaw ka fɔ la.

"OMS" dɔnikɛlaw ka jabi in lase kɔ, "Etats-Unis"jamana ɲamaso ka kuma lase la ko, nin ye baara daminɛ ye. Nka a ko fɔ sɛgɛsɛli bɛrɛ wɛrɛw ka latigɛ kokura.

Jamana in ni Europu tɔnba ka fara jamana 13 kan, olu ka kɛ kelen ye ka Chine ka kɛwalenw kɔn sɛgɛsɛgɛliw wagati la. Chine ɲamaw ma son ka OMS lonikɛlaw to u ka bara kɛ u sago ma. U ma se ka fɛ n sifɛlita dɔ sɔrɔ ka lajɛ.

Kunu, OMS ɲama Tedros Adhanom Ghebreyesus ko sɛgɛ-sɛgɛlikɛlaw ye gɛlɛya dɔw sɔrɔ ka se ka baaraw kɛ a ɲɛma. Janvier ni Février kalo la, tɔn in lasigienw tun ye taama kɛ Chine jamana kɔnɔ sanko ka koronabanakisɛ bange cɔgɔ ɲaɲini k'a dɔn.