Faransi kɛnɛyako cakɛdaba ko gazijugu minnu bɛ fili fiɲɛn fɛ, k'u bɛ kɛ maa caaman de sababu ye

Gazi fili dɔ "Israel" Gaza dugu kɔnɔ, juillet kalo tile 29, san 2014.
Gazi fili dɔ "Israel" Gaza dugu kɔnɔ, juillet kalo tile 29, san 2014. ashraf amra AFP/File

"France" jamanadenw ka kɛnɛyako cɛkɛdaba (Santé Publique France) y'a jira ko gazijugu minnu bɛ fili fiɲɛn fɛ, k'u bɛ kɛ maa caaman de sababu ye. Cɛkɛda in y'a ka sɛgɛsɛgɛliw jaabi jɛnsɛn kunu araba.

Ganseli

Gazi ni fiɲɛnjugu minw balanin lo saan ni dugu cɛ n'o bi tɛmɛ adamadenw ka ninakilisira kasɔrɔ o seko tɛ, o ye mɔgɔ mɔgɔ waa binaani le ka saya karaba k'a ta saan 2016 ka taga bila saan 2019 ma, France kɛnɛyako cɛkɛda ye min ye yira. Nin y'a ye dɔ bɔra a jugura le ten. 

Mɔgɔ waa binaani ni seegi le tun fagara k'a ta saan 2007 ka taga a bila saan 2008. Santé Publique France ko ni mɔgɔ labilara fiɲɛnjuguw ye k'o bi dɔ bɔ balikuw sii ra, minw ye saan 30 sɔrɔ, ka d'a kan, fiɲɛnjuguw bi bonbana, sinsan, dusukunbana, o n'a ɲɔgɔnnaw. 

Sɛgɛsɛgɛli nin kɛbagaw y'a yira ko diyagoya lo, dɔ ka bɔ gazijugu jɛnsɛnli la walisa mɔgɔw ka kɛnɛya ka sabati. O ye fɛɛrɛ teliman min kofɔ, o ye ka baaraɲɔgɔnya kologiriya bɔlɔlɔsira kan.

O b'a to mɔgɔ caaman ti yaala ni bolifɛnw ye k'o ka baarakɛyɔrɔ sɛgɛrɛ. Santé Publique France y'a tintin o kan, sabu tuma min na, sokɔnɔsigi wajibiyara faransikaw kan Konabana ɲɛkɔrɔtigɛ kanma, caaman bɔra gazijuguw ka kɔlɔlɔ ra, mɔgɔw kan, o ka jatiw ye min yira.