"Haïti": jamanaɲɛmɔgɔ "Jovenel Moïse" y'a ka marabajɛkulu ɲɛmɔgɔ falen ko kura

Jovenel Moise, Haïti jamanaɲɛmɔgɔ.
Jovenel Moise, Haïti jamanaɲɛmɔgɔ. REUTERS/Valerie Baeriswyl

"Chrétien" dinɛ mɔgɔ 7 minɛnen kɔ, Haïti jamana na Jovenel Moïse ye marabajɛkulu ɲɛmaa falen kunu arabadon. Jamana ɲɛmaa ka laɲini ye ka fɛɛrɛ ɲini jamana ka lakanabaliya ni yurugu-yuruguw la. 

Ganseli

San kelen tɛmɛni kɔ, Joseph Jouthe ye walansɛmɛ kabɔ Haïti marabajɛkulu ɲɛmaayala. O y'a n'a ka minisiriw ka baara bila sɛmɛ di jamanaɲɛmaa Jovenel Moïse ma taratadon sura k'a dugugɛ arabadon na.

Ne jɛna ni marabajɛkulu ka baarabila ye.  A bɛna kɛ sababu ye k'an sinsin lakanabaliya kan ani ka kumaɲɔgɔnyaw boloda jamana basigi ko fanfɛ, politiki sirafɛ ani baaradaw kɔnɔ.

Jovenel Moïse y'o de fɔ, foroba barokɛyɔrɔ Twitter kan. 

A ye marabajɛkulu ɲɛmaa kura sugandi kelen kunu. Kɔkanko minisiri kɔrɔ, Claude Joseph de ye sisan maraba jɛkulu ɲɛmaa kura ye.

Haïti ye fantanjamana ye min kɔnɔ, binkaniw ka ca kɔsɔbɛ. Karidon tɛmɛni na, mɔnpɛri 7 jagoyaminɛ na mɔgɔsidɔnbaliw fɛ. Fansi jamana fila b'u cɛra.

U minɛbagaw ya ɲini ko nin sɔngɔ ka sara fɔlɔ yani u ka labila. Jamana ɲɛmaa Jovenel Moïse fana ka fanga bɛ ka sɔsɔ poliki sira kan. O bɛ de kɔson, marabajɛkulu ɲɛmaa falen na ko kura, n'o y'a siyɛn wɔrɔnan  ye san 4 kɔnɔ.