Sahɛli: Faransi wasadenw ka jɛkulu kɛrɛnkɛrɛnnen dɔ y'a ɲini ko "Barkhane" ka to Sahɛli jamanaw na

Faransi kɛlɛdenw "Barkhane" ka kɛlɛbolojala dɔ ja.
Faransi kɛlɛdenw "Barkhane" ka kɛlɛbolojala dɔ ja. © AFP/Dominique Faget

Faransi jamana na, wasadenw ka jɛkulu kɛrɛnkɛrɛnnen dɔ y'a ɲini ko Barkhane kɛlɛcɛw ka to Sahɛli jamanaw la halibi walisa ka jatigɛwalekɛbagaw kɛlɛ. U y'u ka sɛgɛsɛgɛli jaabiw wango kunu araba. Nin hakilina kɔni bɛnnen tɛ Faransi jamanaden dɔw ma. 

Ganseli

"Barkhnane" kɛlɛcɛw man kan ka segi kɔ, o ka kan ka to Sahɛli jamanaw na, hali n'a y'a sɔrɔ o yɔrɔ jamanaw ka sɔrasiw fana bi fanga sɔrɔ ra. O le ye wasadenw ka jɛnkulu kɛrɛnkɛrɛnnin ka hakilina ye.  

O hakilina nin ni France marabaragaw taa ka surun ɲɔgɔn na, sabu la Feviriyekalo tɛmɛnin, "G5 Sahel" jamanaw ka lajɛ senfɛ "Ndjamena" "Tchad" faaba ra, "Emamanuel MACRON" tun y'a yira k'a ti fɛ ka dɔ bɔ "Barkhane" kɛlɛcɛw hakɛ ra, a ko min ka gwɛlɛn sisan, o ye ka jatigɛwalekɛlaw kuun bɔ o kaan na. 

Faransi, jamanaden caman le b'o yɛrɛ ɲiningara ni tokun bi Barkhane kɛlɛcɛw Sahɛli halibi, O dɔw ka jati ra, Sahɛli kɛlɛ nin ti ban sisan, kasɔrɔ France sɔrasiw do bi sara a senfɛ. kabi saan 2014 na, o mɔgɔ biduuru le niin tora diinɛdansagomɔgɔw ka walew ra. 

Kɛlɛ bi sɔn ka mɛɛn kasɔrɔ ka ban, wasadenw ka jɛnkulu fana b'o kalama, wa o y'a fɔ o ka sɛgɛsɛgɛli jaabiw kɔnɔ. Wasaden nunu fɛ, Faransi tɔgɔɲuman bi min na, o le ye, ka lɔ ka kɛlɛ nin kɛ a mana mɛɛn cogo o cogo. 

Faransi ka kɛlɛcɛw mɔgɔ waa duuru ni kɛmɛ le  bi Sahɛli, lakana sabatili kanma