Ameriki: jamanaɲɛmɔgɔ, Joe Biden ye ɲangili girimanw ta ka ɲɛsin "Russie" ma kokura

Etats-Unis Président, Joe Biden, numan fɛ, Russie jamanaɲɛmɔgɔ Vladimir Poutine, kinin fɛ.
Etats-Unis Président, Joe Biden, numan fɛ, Russie jamanaɲɛmɔgɔ Vladimir Poutine, kinin fɛ. Eric BARADAT, Pavel Golovkin AFP/File

Wari ko b'o la nka a tilala ka "Russie mɔgɔ 10 gwɛn kabɔ "USA". Biden ka nin dantigɛli ninnu ma bɛn fewu "Russie" ma. 

Ganseli

Kabini Joe Biden sigira "USA" jamanaɲɛmaaya la, a kalekan don k'a tɛna sɔn "Russie" ka jɔnmaya ma. O kun ye "Russie" jalakilendon "USA" kɔnɔko caman de la, i n'a fɔ "USA" jamanaɲɛmaakalata tɛmɛnenw na, a fɔra ko "Russie" y'a ɲini k'i sen don o kow la k'a ɲagami.

Joe Biden y'afɔ fana k'a le jamana ɲɛma kɔrɔ Donald Trump te kelen ye k'o tun bɛ Russie Jamana ɲɛma Vladmir Poutine ka kow bɛ kun nga k'ale tena jɛ n'o ye abada.

Joe Biden ka ɲangiliw ɲɛsinna fana "Russie" cakɛda wɔrɔ ma minnu ka baara fanba bɛ kɛ bɔlɔlɔ sanfɛ. Joe Biden k'o ni ta bɛɛ ye k'o ɲangili wɛrɛ talendon "Russie" kama nka ulu bɛ to gundo la fɔ lɔ.

"Russie" fangasina min datugulendon kasola, Alexei Navalny ale nɔfɛ ko fana la, "USA" ni "Europe" tɔnba ye ɲangiliw bin "Russie" maaba seegi de kan ka kɔrɔ. Nka bɛɛ sigilendon sisan ka "Russie" ka tajurusara kɔnɔ.

Kunu yɛrɛ bɛ "Russie" Kɔkanko minisiri ka kuma lasela Maria Zakharova y'a fɔ ko "USA" ka lasigiden weelela "Russie kɔnkako minisiri fɛ, ka ɲinikan a dala kan na. Joe Biden fɛla fana y'ani Poutine ka se ka sigi kafɔ kɛ, bɛɛ ka se k'i ka ciyɛn fɔ ɲɔgɔn ɲɛna. Nka o sigikafɔ ma sira sɔrɔ fɔlɔ.