"Russie": "Etats-Unis ni Europe" tɔnba k'u tɛna sɔn Vladmir Poutine ka Alexei Navalny k'a sago ye

Alexeï Navalny, Russie fangasina, ka kiiri dɔ senfɛ, Moscou, février kalo tile 20, san 2021.
Alexeï Navalny, Russie fangasina, ka kiiri dɔ senfɛ, Moscou, février kalo tile 20, san 2021. AP - Alexander Zemlianichenko

"Russie" fangasina Alexei nɔfɛ kow la halisa "USA ni Europe" tɔnba ye kangarigɛlɛn de da Russie marabaw  ye kunu. Fangasina in banabagatɔ bɛ kaso la, a kɛlendon fana ka kɔngɔ muɲun dabɔ kabi waati damada dɔ. Nin bɛɛ de ye "USA ni Europe" tɔnba ka jɔrɔ kun ye. 

Ganseli

"USA"  jamana ɲɛmaa Joe Biden ka kɔrɔ sigi dɔ, Jake Sullivan  y'a fɔ k'a gɛlɛya, ko ni fɛn o fɛn ye Russie fangasina Alexei Navalny sɔrɔ kaso in kɔnɔ, ko mɔgɔ si tɛna jalaki ni Russie marabaw tɛ.

Wa u y'a perperelatigɛ fana ko ni ko ye Navalny sɔrɔ a ko tɛna bila tɛn abada. "USA ni Europe" tɔnba bɛ k'u sinsin a kan halibi ko Alexei Navalny ka labila kabɔ kasola, a ka se ka furakɛli ɲanama sɔrɔ. U y'u ka jɔrɔko fɔ fana, Navalny ka kɔgɔn muɲu n'a ka bana kana taga kɛ sababu ye, a nin ka to a la.

Sibiridon Joe Biden yɛrɛ kuma na ka fɔ k'o fɛn o fɛn bɛ ka kɛ Alexei la, fɛn wɛrɛ tɛ, tɔɲɔ kɔ. Russie ka lasigiden min bɛ "Londre", Angleterre jamana la, o y'a fɔ kunu sɔgɔma k'o cogosila ulu ka jamana marabaw tɛna a to Navlny ka sa kasola, ko nka yɛrɛ yira ni tɔgɔɲini kadi a ye.

Fangasina in kanubaw fana ma sɛgɛn wa u ma ɲina, arabadon nata u kɛlen bɛ ka wulikajɔba boloda k'a se k'u ka nisonkoya jira. O wilikajɔ bɛna kɛ kabɛn Russie jamana ɲɛmaa Vladmir Poutine ka ladala kumata ma wasadadenw ɲɛmaa.