"Etats-Unis": sɛgɛsɛgɛliw bɛna kɛ ka ɲɛsin Minneapolis dugu polisiw ka baaraw ma

Polisiw New York dugu kɔnɔ, Derek Chauvin ka ɲangiliw sɛmɛntiyalen kɔ kiriso fɛ, George Floyd fagali la, avril kalo tile 20, san 2021.
Polisiw New York dugu kɔnɔ, Derek Chauvin ka ɲangiliw sɛmɛntiyalen kɔ kiriso fɛ, George Floyd fagali la, avril kalo tile 20, san 2021. REUTERS - EDUARDO MUNOZ

Etats-Unis bɛ faga ka polisiw ka binkaniw banbaliw Minneapolis dugu kɔnɔ.Polisicɛ Derek Chauvin lakodonni kɔ kiriso fɛ k'a ye farafincɛ Georges Floyd faga, kiriko minisiri y'a ladonniya kunu arabalon ko sɛgɛsɛgɛliw bɛna boloda Minneapolis dugu polisi baaraw kan.

Ganseli

Kiriko minisiriso bɛna sɛgɛsɛgɛliw latigɛ sanko ka lon ni Minneapolis policiw bɛ bara kɛ saria siraw kan walma n'u ka baraw bɛ sariaw sɔsɔ. Kiriko minisiri Merrick Garland y'o de fɔ. Sɛgɛsɛgɛ in ni Georges Floyd ka fagali ko tɛ ɲɔgɔn sira la. A kan ka ɲaɲini ni Minneapolis policiw son ye bɛnkani ni fanga bilɛn sigi ye mɔgɔw kan ani wilikajɔw wagatila. A kan ka perepere latigɛ fana ni fanitigi nunu bɛ wolomaniw walew ɲasin lojuratɔw ma u ka baraw kɔnɔ .

Sɛgɛsɛgɛliw bɛ kɔ, ni a sɛmɛtiyala ko Etats-Unis kɔgɔduguyanfan duguba in ka policiw ka baraw tɛ kɛ saria siraw kan, yelemani ba bɛna kɛ ara. Kiriko minisiri Merrick Garland ya lakan ko a ka minisiriso bɛna a wasadon sanko tiɛn ka bange wasa policiw ka bara ka kɛ tilenya kan.

Barak Obama ka fanga wagati la, a kun ya latigɛ ka policiw ka baraw sɛgɛsɛgɛ duguw kɔnɔ inafɔ Baltimore, Chicago walima San Francisco. Jalaki bɛ o dugu policiw kan wagati bɛ k'u bɛ sia woloma kɛ. Donald Trump kun nana dansigi sɛgɛsɛgɛliw bolodalen nunu kan.