Marc-Vivien Foé tɔgɔla jɔnjɔn: Andy Delort, Tino Kadewere ni Gaël Kakuta, jɔn bɛna jɔnjɔn in sɔrɔ

Andy Delort (camacɛ la), Tino Kadewere ani Gaël Kakuta (kini ni numan fɛ), cɛ saba minnu na kelen bɛna Prix Marc-Vivien Foé tɔgɔla jɔnjɔn san 2021, sɔrɔ mai kalo tile 17.
Andy Delort (camacɛ la), Tino Kadewere ani Gaël Kakuta (kini ni numan fɛ), cɛ saba minnu na kelen bɛna Prix Marc-Vivien Foé tɔgɔla jɔnjɔn san 2021, sɔrɔ mai kalo tile 17. © Photos Agences / Montage FMM

Andy Delort, Tino Kadewere ni Gaël Kakuta, o dolantanla sabaw de cɛra kelen bɛna Marc-Vivien Foé tɔgɔla jɔnjɔn sɔrɔ. Farafinna dolantala saba ninnu de sugandila kunu lamusalon. RFI ni France24 de ye jɔnjɔn in sigi ka se ka Farafinna dolantala ŋana sugandi k'a waleɲumandon.

Ganseli

Dolantala saba ninnu cɛman, Andy Delort tun kɛra 10 nan ye salon Marc-Vivien Foé tɔgɔla jɔnjɔn maa ɲanatɔminin na. A bɛ Montpellier dolantan kulu la, Algérie jamanaden in sababu la,  Montpellier ye kunkɔrɔta caman sɔrɔ. 

Zimbabwe jamanaden Tino Kadawere kɛra celu donbagaw ŋana ye salon "2e division" na Havre dolantan kulu la. A selen Lyon dolantan kulu la, a ye dolan kanubaaw wasa. A ka celuw y'a kɛ Lyon ye kunkɔrɔta ba sɔrɔ Lyon ni Saint-Etienne ani Lyon ni PSG ɲɔgɔn kunbɛnw na .

Gaël Kakuta ye RD Congo jamanaden ye n'a bɛ Lens dolantankulu la. A ye dolantan kulu 11 kɛ jamana 6 kɔnɔ ka sɔrɔ ka segin Lens. A tun ye dolantan daminɛ yen. Ɲinan a ka celu hakɛya tɛmɛna a ka san tɔw bɛ ta kan.

Farafinna dolantanla saba ninnu Andy Delort, Tino Kadewere, Gaël Kakuta, o kelen bɛna Marc-Vivien Foé tɔgɔla jɔnjɔn sɔrɔ Mai kalo tile 17 don.