Diɲɛ setigijamanaw ka jɛkulu n'a bɛ weele "G7", ye kumaɲɔgɔnya kɛ ka ɲɛsin "Chine" jamana ma

Diɲɛ setigijamanaw ka jɛkulu "G7" tɔndenw ja, mai kalo tile 4, san 2021, Lɔnduru dugu la.
Diɲɛ setigijamanaw ka jɛkulu "G7" tɔndenw ja, mai kalo tile 4, san 2021, Lɔnduru dugu la. Ben Stansall Pool/AFP

Kunu tarata jamana nafolobatigi wolonfila n'a bɛ f'u ma ko "G7", ulu ka kɔkanko minisiriw ye lajɛrɛba kɛ. O lajɛrɛ senfɛ u ye hakilijagabɔ dɔ da kɛnɛkan n'a sɔrɔ u tɛna faraɲɔgɔnkan sinaya kolo girinya ni "Chine" jamana ye. U kafɔ la "Chine" ka jɔyɔrɔ bɛ ka boɲan kɔsɔbɛ diɲɛ kɔnɔ.

Ganseli

Diɲɛ setigijamana ninnu kɛlen kɔ ka kuma u ka fɛɛrɛw kan "Iran ni Corée du Nord" ka mugujugu "nucléaire" kan. U ka kunu kumaɲɔgɔnya fanba ɲɛsinna "Chine" jamana de ma.

U ka fɔ la "Chine" jɔyɔrɔ bɛ ka boɲan don o don ka taa fɛ diɲɛ sɔrɔ kow la, wa sisan a bɛ fɛ ka jɔyɔrɔ yira fana kɛlɛ minɛ ko fana la.

O de ye "G7" jamanaw ka siran yɔrɔ ye. Nka "USA" kɔkanko minisiri Antony Blinken kafɔ la, ulu ŋaniya tɛ cogosila ka "Chine" juguya walima k'a kɛlɛ. Ale ko de "Chine" ka kɛwale dɔw tɛ adamadenya tabolo sariyaw baton.

K'o de y'u ka bɛnbaliya sababu ye. Antony Blinken y'a fɔ fana k'a jamana ni "Royaume UNIS" jamana kɛrɛnkɛrɛn na bɛn n'u tɛgɛdi ɲɔgɔn, ka Chine wajibiya a ka bɛɛjɛfanga lafasabaaw ka hakɛ labaton "Chine" yɛrɛ jamana kɔnɔ.

Ulu dɔnrɔntɛ maa wɛrɛw ka hakɛ fana kan ka labaton "Chine" fɛ n'ulu ye Silamɛ Ouighourouw ye. O Ouighours ko in na kabi waati damadɔ erɔpu ka fara  "USA "kan, u ni "Chine" ka fɔɲɔgɔnkɔw ka can. "Chine" kɔ, "Russie" fana y'a nin yɔrɔ sɔrɔ "G7" ka ɲɔgɔnye in na. U ka jalaki caman ɲɛsinna o jamana in fana ma adamadenw ka hakɛ labatonbaliya kama.