"France": "Côte d'ivoire" lasigiden y'a ɲini Faransi marabaaw fɛ, ko ka jamana in ka fɛn kɔrɔw segi

"Bénin" jamana ka masafɛn kɔrɔw, fɛn kɔrɔ filɛyɔrɔ so dɔ la, Quai Branly Paris, Faransi faaba la, (ja jira ta).
"Bénin" jamana ka masafɛn kɔrɔw, fɛn kɔrɔ filɛyɔrɔ so dɔ la, Quai Branly Paris, Faransi faaba la, (ja jira ta). © REUTERS/Philippe Wojazer

France jamana na, Côte d'ivoire ka fɛn kɔrɔ dɔw yera feerelikɛla dɔ bolo. Côte d'ivoire ka Lasigiden y'i ban k'u man kan ka feere, wa a ye bataki sɛbɛn Faransi marabagaw ma k'u ka fɛɛrɛ kɛ fɛn kɔrɔ ninnu ka segi a ka jamana ma. 

Ganseli

Koriwari ka fɛn kɔrɔ minw lo, kabakuru lɛsɛninw lo, dɔw bɔnin bɛ mɔgɔ fɛ, dɔw bɔnin bɛ bɛgɛnw fɛ. Koriwari ka siya min tɔgɔ ko Guro, olu ka kɔrɔlenko lo. Diɲɛ kɛnin kɔfɛ ka bɔ o kalama saan baa kelen ni kɛmɛ kɔnɔtɔn ni biseegi waatiw ra, mɔgɔ dɔw y'o sago kɛ o ra, dɔw y'o sonya. 

Saan binaani ɲɔgɔn o kɔfɛ, fɛn kɔrɔ nunu dɔw yera bɔlɔlɔ feereli sira ebay kan Faransi. 

Kodiwari ka lasigiden min bi Faransi Maurice Kouakou Bandaman ye weele bila Faransi mabaragaw ma k'a t'a fɛ nin kabakuru lɛsɛnin nunu ka feere, ka d'a kan ale ka jamana ka kɔrɔlenkow.

A ka kuma na, fɛn nunu bi mɔgɔ minw bolo ma se k'a ɲafɔ o y'a sɔrɔ cogo min,  wa fana k'a b'a fɛ o ka segi Koriwari ma i n'a fɔ Emmanuel MACRON, Faransi jamanaɲamɔgɔ tun y'a latigɛ cogo min. O weelekan carinin lo, Koriwari lasigidenso ka barokɛyɔrɔ la bɔlɔlɔ sira kan.