Arabou jamana caman ye "Israël" polisiw jalaki u ka waleyaw la ka ɲɛsin "Palestine" jamandenw ma

Polisiw ye sifin dɔ minɛ  "ultra-orthodoxe de Mea Sharim" kinna, "Jérusalem", "février" kalo tile 28, san 2021.
Polisiw ye sifin dɔ minɛ "ultra-orthodoxe de Mea Sharim" kinna, "Jérusalem", "février" kalo tile 28, san 2021. REUTERS - RONEN ZVULUN

Diɲɛ arabou jamanaw caman de bɛ ka "Israël" polisiw jalaki u ka waleyaw la ka ɲɛsin "Palestine" jamandenw  ma "Jérusalem". Kasɔrɔ o Arabou jamana ninnu fanba tun bɛ ka baraɲɔgɔnyaw bila sen kan kokura ni "Israëll" ye. "Jérusalem" kɔrɔyanfan na dɔgɔkun furancɛ in gɛlɛyara kɔsɔbɛ "Israël" lakandatigilamaw ni "Palestine" ka dɔw karila ɲɔgɔnna mɔgɔ kɛmɛ ɲɔgɔn de joginna. 

Ganseli

Kabini san 2017 furukun-furukun tɔ bɛ ka boɲa "Israel" lakandatigilamaw ni "Palestine" kaw cɛ "Jérusalem" kɔrɔyanfan na. O sɔrɔ la fɛn caman fɛ, a fɔlɔ, "Israel" tun y'a ɲini ka mansimafɛn dɔw sigi "Jérusalem" misiri dɔ dala yasa mɔgɔsi kana se ka don ni maramafɛn ye.

Nka "Palestine" kaw ma sɔn o ma pewu, "Israël" labanda k'o hakilina in bila. Kun wɛrɛ ye min ye, ni tile fila in bɛɛ la "Palestine" kaw bɛ ka murutilen don kadakan "Israel" bɛ fɛ k'u ka mɔgɔ dɔw labɔ u ka sow kɔnɔ "Jérusalem" kɔrɔyanfan kelen in na.

O yɔrɔ min ye "Palestine" de fan dɔw ye, nka "Israël" kɛlen don k'i tɛgɛ sigi ye kan, k'a kɛ a ta ye. Dɔgɔkun furancɛ kari ɲɔgɔnna min kɛra sababu ye ka mɔgɔ kɛmɛ ɲɔgɔn jogin.

A ma bɛn pewu Arabou jamana dɔw ma i n'a fɔ "Algérie, Soudan, Emirats Arabe Unis, Bahrein fɔ ka taa se Jordanie ma". Ulu bɛɛ y'u ka ninsɔnkoya jira.

U caman ye kangarimada kɛ "Israël" ye kafɔ k'u ka nin waleya ninnu dabila yasa kumaɲɔgɔnyaw bɛ se ka taa ɲɛ bɛn ka se ka sɔrɔ, ka sɔrɔ a ma kɛ makan ye tan.