"OMS" ka dɔnnikɛlaw ko koronabana tun bɛ se ka ɲɛkɔrɔtigɛ k'a sɔrɔ nin balawu bɛɛ tun ma bɔ a ra

Tedros Adhanom Ghebreyesus, "OMS" ɲɛmɔgɔba, févier kalo tile 12, san 2021, Ginebra.
Tedros Adhanom Ghebreyesus, "OMS" ɲɛmɔgɔba, févier kalo tile 12, san 2021, Ginebra. Christopher Black Organización Mundial de la Salud/AFP

Diɲɛ kɛnɛyako tɔnba tun ye dɔnnikɛla jɛkulu min sigi senkan walasa u ka sɛgɛsɛgɛli kɛ COVID-19 bana kan, u y'u ka dantigɛli kɛ kunu araba. Dɔnnikɛla nunnu ko koronabana tun bɛ se ka ɲɛkɔrɔtigɛ k'a sɔrɔ nin balawu bɛɛ tun ma bɔ a ra. Tɔn in ko ko fana ko yɛlɛmani ɲuman ka kan ka kɛ OMS ka baaraw la jango a ka se ka nin ɲɔgɔnnaw kunbɛn teliya ra. 

Ganseli

O kɛnin kɔfɛ k'o ka sɛgɛsɛgɛliw kɛ kalo seegi kɔnɔna na, lɔnnikɛla nunu daa bɛnna a ma ko bilakasuma le y'a to  koronabana juguyara, k'a kasara bonya diɲɛ kɔnɔ. 

"Koo min b'an kunna bii nin, an tun bi se k'a bali"  Ellen Jonshen SHIRLEAF y'o le kunu, Libéria jamanakuntigi kɔrɔ,  ale ye lɔnnikɛla nunu ka jɛnkulu ɲamɔgɔ dɔ ye. A tilara k'a fɔ ka fara a kan, k'a sɛmɛntiyara k'a fɔ korobana ye banajɛnsɛnta kabi saan 2019 desanburukalo ra, foo kalo kelen o kɔfɛ OMS ka sɔrɔ ka dantigɛli kɛ a koo kan. lɔnnikɛlaw fɛ, o waati kuntaala janyara kojugu. 

O n'a bɛɛ, sɛgɛsɛgɛlikɛla nunu k'o ma  jigi OMS ra, o ko le ko baaraw ma jɛn ka kɛ ɲɔgɔn fɛ, wa a ŋaniya tun ti bɛɛ ra a tuma na. 

Lɔnnikɛla jɛnkulu k'a b'a fɛ kɛnɛyako fɛɛrɛ kura ɲanaman ka sigi senkan joona, gɛya ni tilenniya ra, walisa ka diɲɛ tanga a ɲɔgɔnna wɛrɛ ma. 

Koronabana ye mɔgɔ miliyɔn saba bi waa kɛmɛ saba ni kɔɔ bɔnɛ o niin na. ka miliyɔ caaman wɛrɛ bana, ka diɲɛ nafolosira bɛɛ sensumaya. Nin waati nin na, bolociliw le bi jamana caman na ka se ka daan kari bana nin na.