"Palestine": "Israël" sɔrasiw ye mɔgɔ naani faga mugucili dɔ senfɛ

(Ja jira ta dɔ).
(Ja jira ta dɔ). REUTERS/Mohammed Salem

Bi juma "Palestine" kaw mɔgɔw naani fagara "Israël" sɔrasiw ka mugucili dɔw senfɛ. Mɔgɔ damani fana joginna. "Palestine" duguba caman na, wulikajɔw bɛ senna k'u ka nisɔngoya yira muguciliw ko ra. Umaru 

Ganseli

Bi juma ye lafiɲɛlon ye "Palestine" baarakɛlaw fɛ, nga, jamanaden caman le bɔra dugubaw kɔnɔ ka Israël sɔrasiw ka walew kɔn. O sɔrasi minw ye cili kɛ ni pankurunw ye ka "Gaza" dugujukɔrɔsiraw sɛgɛrɛ. 

O y'a sɔrɔ kunu suu ra, Hamas kɛlɛcɛw fana ye kisɛ baden le fili ka taga Isrël woroduguyanfan na. Israël jamanadenw dɔw joginna o senfɛ. 

Tile filanin nin mankanw kosɔn, duguden caman le b'o sigiyɔrɔ bilara ka taga kalifa yɔrɔ wɛrɛ. 

Diɲɛ jamanaba caman y'o kanbɔ ko mankanw ka lalɔ, nga kɛlɛban taamasiɲɛ fosi kɔni ma la kɛnɛ kan fɔlɔ. 

Bi juma  Israël marabagajɛnkulu ɲamɔgɔ Benjamin Netanyahun ko nin t'a bannin ye, a ko cili wɛrɛw bi kɔ ka na. 

"Palestine" kɛnɛya minisiriso ka fɔ ra, muso kelen ni denmisɛnnin mɔgɔ saba bɔnɛna o niin na "Israël" sɔrasiw ka muguciliw kɔfɛ. Palestinikaw ka jati ra, halibi, mɔgɔ kɛmɛ ni mugan ni fila le sara kabi kariɲɔgɔnna daminɛna kokura tɛnɛnlon, ka mɔgɔ kɛmɛ yirika jogin. 

"Israël "kaw fɛ, mɔgɔ seegi fagara sɔrasiw ni siviliw cɛma.