Kunu "Euro 2020" ɲɔgɔnkunbɛn jabiw

"Euro 2020"
"Euro 2020" BERNADETT SZABO POOL/AFP

A hokum kɔnɔ ndonlantan saba kun beyi. Fɔlɔ République Tchèque ye Ecosse bugɔ 2 ni o, fila na, Slovaquie ye sebaya sɔrɔ Pologne kan celu 2 ni kelen, a sabanan, Espagne ni suède ye filani bɛn kɛ 0 ni 0. 

Ganseli

 Espagne bɛ jaati jamana baw cɛra minu makɔnɔninbɛ tako laban na. Nka Jamana in tolantanlaw ma wasa kɛ kunu. U ye nafaman bɛrɛw sɔrɔ ni Suède jɔkɔlɔsibaa Olsen ya bɛ dragi. Suède dolantanlaw fana kun bi ɲini ka espagne ka jɔ ci tiɛn damani.

O ma waleya, dolan laban na, o ci ma celu don. Yani ɲɔgɔn kunbɛn lon yɛrɛ, Koronabana yera suède dolantanla ɲana fila ra ani Espagne ka sergio Busquet. 

 

Ntolan kanubagaw koni sera k'u timinadiya celuw la, ɲɔgɔn kunbɛn tɔw la. Robert Lewandoski ka jamana Pologne  bugɔra Slovaquie fɛ celu 1 ni 2.

Kunu ɲɔgɔnbɛn fɔlɔ la, République Tchèque ye Ecosse bugɔ celu 2 ni 0. Patrik Schick de ye celu fila nunu bɛ don. A filanan, a tɔra kabi dolankɛnɛ cɛmancɛla metri 50 ɲɔgɔn ka jɔ ci. O ya sɔrɔ Ecosse ka jɔkɔlɔsibaga bɔra k'a cɛ janya ni a ka jɔ ye. A san 23 ye ɲinan ye ni Ecosse kun ma talikɛ dolan ɲɔgɔn kunbɛn ba sgu in na.