Haïti jamanakuntigi ka saya, mɔgɔ caman y'u fɛla fɔ a fagacogo kan, dɔw ye wale in kɔn

Haïti jamanakuntigi Jovenel Moïse, ka saya, mɔgɔ caman y'u fɛla fɔ a fagacogo kan, dɔw ye wale in kɔn .
Haïti jamanakuntigi Jovenel Moïse, ka saya, mɔgɔ caman y'u fɛla fɔ a fagacogo kan, dɔw ye wale in kɔn . © Dieu Nalio Chery/AP

Kabi a kunnafoni dira marabagajɛnkulu ɲamɔgɔ fɛ Claude Joseph, ko maramafɛntigi dɔw barila ka don jamanakuntigi  kan sufɛ, k'a bɔnɛ a niin na, dusukasikanw bɔra faan caman fɛ.

Ganseli

Fɔlɔ Etats-Unis jamanaɲamɔgɔso ko nin ye walejuguba ye. Olu ko k'o labilanin lo ka dɛmɛ lase jamana nin ma, a ka se ka bɔ degu kɔnɔ. 

France ni Grande Bretagne, olu fana ye wale nin kɔn. France kɔkanko minisiri Jean Yves ledrian ko fɔgɔbagatɔbaara yɛrɛ le ye nin, a ko sɛgɛsɛgɛli ka kan ka kɛ ka nin koo gwɛya teliya ra.

Boris Jonshon, Grande bretagne minisirikuntigi, ale ko mɔgɔw k'o hakili sigi. A y'o fɔ twiter kan ka tila ka sangafoli lase Haiti jamanadenw man.

Tɔɔn dɔw fana y'o ka kamanagwan yira, i ko Union europénne, Erɔpu tɔnba ka kɔkanko ɲanabɔla Josehp Borel fana y'a sɛbɛn twitter ko nin balawu bi sɔn ka dɔ fara basigibaliya kan Haïti. 

Diɲɛ tɔnba, ale ye wale fisaya ni kuma ye. Bii yɛrɛ, tɔɔn nin ka lakanako bolofara bina ɲɔgɔnye karabanin kɛ Haiti koo kan. Onu ɲamɔgɔ dankan Stéphane Dujarric y'o fɔ laseli kɔnɔ kunu.