Haiti: dugukoloyɛrɛyɛrɛ kɔ, jamanaw bɛ k'u ka dɛmɛw kɛ Haiti jamanadenw ye

Haiti dugukolo
Haiti dugukolo AP - Duples Plymouth

Dugukoloyɛrɛyɛrɛ min kɛra, Haiti jamana kɔnɔ a kɛra sababu ye ka mɔgɔ ba kelen ni kɔ de bɔnɛ u nin na.  Mɔgɔ caman fana joginna, ani dɔw fana tununu na. Halisa mɔgɔ tununenw ɲininiw bɛ senna. 

Ganseli

Dugukolo yɛrɛ-yɛrɛlen kɔ , dɛmɛbagaw bɛ ɲininiw kɛla halisa, ka se ka mɔgɔw labɔ so binlenw kɔrɔ. dugu kolo yɛrɛ-yɛrɛ in kɛra sababu ye ka mɔgɔ caman  de bɔnɛ u nin na ani dɔw jogin. So caman de wurugutura. Haiti marabaa jɛkulu ɲɛmaa ye waatigɛlɛn fɛɛrɛw bila sen kan. 

Marabagaw y'a fɔ la dugukolo yɛrɛ-yɛrɛ in fanga se la fɔ kilomɛtiri kɛmɛ ni biwɔrɔ la Haiti tilebinyanfan n'a kɔkɔduguyanfan cɛ la. Kilomɛtiri tani fila de kun b'a jɛn a ka don Saint-Louis-du Sud dugu kɔnɔ. 

Allah batoyɔrɔw, suguw, ani mɔgɔw sii sow a ye dankari kɛ o caman de la. Nin wagati in na marabolo in dɔgɔtɔroso bɛɛ fala. 

Ameriki jamanakuntigi Joe Biden y'a ka dusukasi jira ka kɛɲɛ ni dugukolo yɛrɛ yɛrɛ in ye . A ye dɛmɛ lase jamana in ma. 

Jamana dɔw i n a fɔ, République dominicaine Mexique ninnu bɛɛ ye dɛmɛ lase Haiti man ni furɛli minɛw dili ye. Chretien katolikiw ɲamɔgɔ Pape Francois fana ya laɲini diɲɛ jamanabaw fɛ, k'u ka Haiti dɛmɛ. 

San 2010 na dugu kolo yɛrɛ-yɛrɛ dɔ kun kɛla jamana in kɔnɔ. A kun ye cɛnni ba kɛ Haiti faaba kɔnɔ. Mɔgɔ bakɛmɛ fila ɲɔngɔna de  bɔnɛ na u nin na.