Afghanistan: bi y'a tile naani ye Talibanw ye fanga ta jamana in kɔnɔ

Talibanw ka kunnafoni kɛnɛ fɔlɔ Aout kalo tile 17, san 2021, u kɛlen kɔ ka jamana in minɛ.
Talibanw ka kunnafoni kɛnɛ fɔlɔ Aout kalo tile 17, san 2021, u kɛlen kɔ ka jamana in minɛ. Hoshang Hashimi AFP

Kunu u ye kunnafoni kɛnɛ sigi ka ɲɛfɔlikɛ u ka mara tabolow kan. U y'u sinsin a kan kafɔ k'u bɛnna baaraɲɔgɔnyaw bila senkan ni diɲɛ jamana tɔw bɛ yen. Wa k'u bɛnna musow ka hakɛw labaton

Ganseli

''An tɛ fɛ kɛlɛ walima ciyɛnni fosi ka kɛ an ka jamana kɔnɔ tuguni, wa an mana tasara kama.'' Talibanw ka kuma lasela Zabihullah Mujahid ye kunnafoni kɛnɛ sigi ni nin kumakanw de ye. A ka fɔla ni ye kɛlɛ bannen ye pewu, k'ulu tɛ mɔgɔ si juguyala u ka jamana kɔnɔ ani u ka jamana kɔkan.

Talibanw ka kuma lasela ko fana k'a tɛn kɛ ko mɛnta ye u bɛnna marabaa jɛkulu kura sigi. Min ye musow ka hakɛ labatonli ko ye, talibanw k'o min bɛ ka diɲɛ jamanabaw jɔrɔ kɔsɔbɛ talibanw ka fanga tali la, u ye lahidu di kafɔ ko musow bɛnna se k'u ka baaraw kɛ, ka kalanw kɛ ani ka se k'u ka ci wɛrɛw kɛ. Nka k'o bɛɛlajɛlen bɛ kɛ silamɛya sariya de kɔnɔ.

Zabihullah Mujahid Talibanw ka kuma lasela ko fana yafa bɛna kɛ Afghanistan sɔrasiw kɔrɔw ma, wa ko basi fosi tɛna Afghanistan jamanaden minnu tun bɛ baarakɛ dunnaw nɔfɛ sɔrɔ. Wa a ko fana mɔgɔ minnu bɛ k'a ɲini ka boli ka jamana bila, olu fana bɛna segin u kɔ kana u dɛmɛ k'u ka jamana jɔ. Nin bɛɛ la Kaboul Pankurun jigiso la mɔgɔ caman de bɛ ka a ɲini ka jamana in bila.