Panama Peppers ta tɛmɛnen kɔ, nafolo dɔgɔyɔrɔ kura wɛrɛ gundo pɔyila n'a bɛ fɔ a ma Pandora Peppers

Jordanie masacɛ, Abdallah II ani Britanique ka marabagajɛkulu ɲaama kɔrɔ, nunu bɛɛ tɔgɔ bɔla pandora Pappers ko in na AFP - YUSSEF ALLAN

Jamana ɲamaaw, jamanaw ka jɔyɔrɔbatigi ani nafolobatigi tɔgɔw bɔra a la. Gundo la sɛgɛgɛsɛliw ya yira maa kofɔlen nunu bi ta u ka nafolo dɔgɔyɔrɔ dɔw la. O cɛra Congo jamana ɲamaaw Denis Sassou-Nguesso ani Kenya ɲamaa kɔrɔ Uhuru Kenyatta beyi.  Issouf ZERBO

Jamana ɲamaa 35, jɔyɔrɔbatigi 300 ani nafolobatigi 130 tɔgɔw fɔra yuruguyurugu ko in na.  Olu tara u ka nafolow bila dogo kɔkan wari mara yɔrɔw la.

Ni dɔw ta kun ye ka ban ka l'impot sara, dɔw fana taw ti nafolo gɛlenw ye. O cɛma farafina marabaw beyi inafɔ, Congo jamana ɲamaa Denis Sassou-Nguesso, Kenya jamana ɲamaa Uhuru Kenyatta  Ale, a bamuso, a dɔgɔcɛ kelen an'a dɔgɔmuso fila, kunafolidilaw ya yira k'u ka nafolo dogota hakɛ ye Dollar wari millions 30 ye.  Kasɔrɔ jamana ɲamaa in bɛ ka fɔ siɛn caman jama ɲana k'ale bɛ ka jija ka yuruguyurugu kɛlɛ.

Nafolo dogo gundo bɔrɔtɔ, Pandora Pappers, la, Royaume Uni jamana ɲamaa kɔrɔ Tony Blair n'a furu muso, diɲɛ nafolobon FMI ɲamaa kɔrɔ Dominique Strauss-Kahn ni Jordanie masacɛ Abdullah 2 walima Pakistan ɲamaa Imran Khan, u tɔgɔ bɔra sɛgɛsɛgɛliw kɔnɔ. Donkilidala Shakira fana tɔgɔ fɔla. 

gundo ɲini kunafolidalaw 600 ɲɔgɔn, ka bɔ kunafolidiso 100 na Jamana 100 ɲɔgɔn kɔnɔ, olu de farala ɲɔgɔn kan ka baara in kɛ. Gundola sɛbɛ million 12 lo, u ya sɔrɔ ka kɔnɔnaw sɛgɛsɛgɛ.