Afghanistan: talibanw k'u bɛna fɛɛrɛ bila sen kan yasa jamanadenw ka baarako bɛ se ka nɔgɔya cogomin

Afghanistan, taliban minnu bɛ jamana in kunna.
Afghanistan, taliban minnu bɛ jamana in kunna. AP - Burhan Ozbilici

Jamana in na kunu talibanw ye fɛɛrɛ dɔ bila senkan min bɛna kɛ sababu ye u yɛrɛ ka fɔla ka jamanaden bayirika de ka baarakow nɔgɔya. Nka o baarakɛla ninnu ka sara tɛna kɛ warijɛ ye, Balo de bɛ d'u ma u sara ye. 

Ganseli

Talibanw ka kuma lasela Zabihullah Mujahid yɛrɛ de ye nin kibaru in di kunu kunnafoni kɛnɛ dɔ la min sigira Kaboul. A ka fɔla mɔgɔ minnu bɛna talikɛ ni baara bolodalenw na u hakɛya bɛ taga mɔgɔ babinani ɲɔgɔn de la. U ka baara bɛna kɛ ka jibɔdingɛw seen walasa ji ko ka se ka nɔgɔya jamana in kɔnɔ.

Nka Zabihullah Mujahid ko fana nin bɛna kɛ sababu ɲuman fɛɛrɛ ye, ka sɔrɔ yen baloko dɛsɛ fana kɛlɛ Afghanistan ka da a kan talibanw ka kuma lasela in ka fɔla, baarakɛla minnu bɛna sugandi Kaboul dɔrɔ kɔnɔ Alkama tɔni ba tan ani kelen ni kɛmɛ wɔrɔ de bɛ tilan olu ni ɲɔgɔncɛ.

Duguba wɛrɛw la, i n a fɔ Herat, Kandahar walima Jalalabad Alkama tɔni ba biduuru ni duuru de bɛ di o baarakɛlaw ma. Kabini Talibanw ye fanga ta Afghanistan gɛlɛya bɛ ka bɔɲɛ jamana in kɔnɔ.

Baloko dɛsɛ b'o la wa lakana ko fana b'o la. O de y'a to Araba tɛmɛnnen diɲɛtɔnba y'a latigɛ ka warimugu ladon Afganistan walasa ka cakɛda misɛnw dɛmɛ, olu fana ka kɛ sababu ye ka sɔrɔsiraw dayɛlɛ jamanadenw ye.

Nka ONU k'o cogosila Talibanw tɛgɛ tɛ da o nafolo mugu kan.