FMI ɲɛmaa Kristalina Georgieva y'a ɲini G20 jɛkulu fɛ ko juruw sarali ka nɔgɔya Farafinna jamanaw ma

Kristalina Georgieva, FMI ɲɛmaaba.
Kristalina Georgieva, FMI ɲɛmaaba. AP - Jose Luis Magana

FMI ɲɛmɔgɔ Kristalina Georgieva y'i kanbɔ diɲɛ waaribatigi jamana G20 ma k’u k'u teliya ka tɔn in ka nin fɛɛrɛ kofɔlen dɔ bila senkan,  o min ŋaniya ye ka fanta jamanaw k’a juruw sarali nɔgɔya u ma.

Ganseli

Koronabana daminɛ, diɲɛ waaribatigi jamana 20 tun bɛnna a kan wasa u ka juru minnu bɛ fanta jamanaw kan, k’o sarali waati sɔnsɔri fɔ san 2021 ban tuman. O hokumu kɔnɔ, G20 jamanaw ye fɛɛrɛ dɔ sigi Novembre kalo san 2020 walasa ni jamana dow y’a laɲini u fɛ k’u ka u ka juruw sarali sɔnsɔri walima k’a lasa, u k’a se ka o laɲini in waleya ɲɔgɔn fɛ. 

Nka  G20 jamanaw k’a nin fɛɛrɛ in tɛ sera k’a bila senkan jamana dɔw sen sumayali kaman i n’a fɔ Chine. 

FMI ɲɛmɔgɔ Kristalina Georgieva y'i kambɔ G20 jamanaw ma, u k’u teliya walasa ka tɔn in ka nin fɛɛrɛ kofɔlen in bila sen kan.

Diɲɛ waaribɔnba ‘’Banque Mondiale’’ ɲɛmɔgɔ David Malpass fana tun ye weelen kan lase lajɛrɛ dɔ sen fe nin Octobre kalo in yɛrɛ la, ko a ka kan fɛɛrɛ k’a ɲini fanta jamanaw k’a juruw sarali kola, bawu ko koronabana ye gɛlɛyaba lase o jamanaw ka sɔrɔ ma.