COP 26 bɛ senna Glasgow, Ecosse jamana faaba kɔnɔ ka ɲɛsin waati yɛlɛma ma diɲɛ kɔnɔ

Cop 26 lajɛ octobre kalo tile 31, ka ɲɛsin waati yɛlɛma ma diɲɛ kɔnɔ.
Cop 26 lajɛ octobre kalo tile 31, ka ɲɛsin waati yɛlɛma ma diɲɛ kɔnɔ. AFP - DANIEL LEAL-OLIVAS

Diɲɛ jamanaw ka waati yɛlɛma kɛlɛli lajɛrɛba COP26 daminɛra kunu karidon Glasgow, Ecosse jamana faaba kɔnɔ. Fɔ ka taa a bila Novembre kalo tile 12, kumaɲɔgɔnyaw bɛna kɛ sanko ka fɛɛrɛw ɲini ka waati yɛlɛma kɔrɔtigi ani ka se ka dɔ bɔ funteni na diɲɛ kɔnɔ.  

Ganseli

"Jigii laban ani jigii ɲumanba" de ye sanko ka diɲɛ kalayali kɔrɔtigɛ. COP 26 kɔɲanabɔ jɛkulu ɲɛmaa Alok Sharma y'o de fɔ baaraw daminɛ ɲanajɛ la. A ka fɔla, n'an y'an wulikajɔ sisan ɲɔgɔnfɛ, an bɛ se k'an ka dugukolo lakana. Weelekan bɛ ka lase sabu la kabi nin waati yɛlɛma kɛlɛ lajɛrɛ fɔlɔ kɛra Paris san 2015, laɲiniw ni lahidu talenw si ma dafa. Wa siga bɛ yen ko ɲinan fana lajɛrɛ kɔ yɛlɛmani tɛna don. 

Kasɔrɔ, jateminɛw y'a yira ko y'a ni san 2030, funteni bɛna juguya kɔsɔbɛ. Waati yɛlɛma kɔlɔlɔ ka ca, ani a bɛ ka dadigi kɛ fanta jamanaw de la ka tɛmɛ, olu don ka sisijugu fili cɛ ka jan seetigijamanaw taw ye. O bɛ de kɔsɔn, diɲɛ faso tɔgɔlatɔndenw, baɲumakɛw, bɛ ka wulikajɔw kɛ Glasgow Ecosse faaba sanko k'a ɲini diɲɛ seetigijamana ɲɛmaaw fɛ, k'u ka fɛɛrɛ kologirimanw ta ani k'u waleya. 

Keretiɲɛ katolikiw ka ɲɛamaa Pape François y'a ɲini kunu ko Allah dariw ka kɛ wasa an ka dugukolo kulenkan ani fantaw kulen kan ka lamɛn tulow masɔrɔ, ulu ka fɛɛrɛ jɔnjɔnw ta COP 26 in na.