Afghanistan: jamanadenw mako bɛ dɛmɛw la nka dɛmɛkɛlaw t'a fɛ u ka nafolow ka se Talibanw ma
Afghanistan kunkan, kunu silamɛ jamanaw ka tɔn ''Organisation de la coopération Islamique '' OCEI ye ɲɔgɔnyeba kɛ walasa ka dɛmɛ lase teliyala Afganisatan ma. Baloko dɛsɛ bɛ ka gɛlɛya caman de lase jamanadenw ma ni waatiw la. O de la silamɛ jamanaw ka tɔn in ye lahiduta fɛɛrɛ bɛɛlajɛlen tigɛ walasa nɔgɔya ka don kow la.
A jɛnsɛnna :
Kabini Talibanw ye fanga ta Afghanistan, kunu de kɛra a siyɛn fɔlɔ ye, silamɛ jamanaw ka tɔn ''l'Organisation de la coopération Islamique OCEI '' ka lajɛrɛ kɛrɛnkɛrɛnnen kɛ Afghanistan kunkan. Lajɛrɛ in kɛra Islamabad Pakistan faabala de la.
Jamana 57 minnu bɛ tɔn in kɔnɔ, u y'a latigɛ ka dɛmɛ lase teliya Afghanistan jamanadenw ma. U yɛrɛ bɛna u tɛgɛ faraɲɔgɔn kan, wa ŋangiliw minnu dara Afghanistan kan Talibanw kɛlen ka fanga ta. N'o kɔsɔn jamana in ka nafolo caman de bɛ kɔkan marabaga kuraw tɛgɛ tɛ se ka da minnu kan. Silamɛ jamanaw ka tɔn in y'a ɲini k'o ɲangiliw fana ka wuli.
O bɛɛ kɔ tɔn in y'a ɲini fana diɲɛ magɛn kɛbaaw fɛ ulu fana k'u tɛgɛ bila u jufa la walasa baloko dɛsɛ ɲagata min ɲɛsilen bɛ Afghanistan jamanadenw ma, a ka se ka kunbɛn.
Pakistan kɔkanko minsiri Shah Mahmood Qureshi kafɔla setigijamana caman bɛ ye minnu bɛ fɛ ka dɛmɛ kɛ, nka u tɛ fɛ u ka nofolo ka di Talibanw ma. A ko de kama nafolow bɛɛ bɛ se ka faraɲɔgɔn kan, u ka tɔn in yɛrɛ ka waaribonba la, Banque Islamique de développement.
Silamɛ jamanaw ka tɔnba y'a lase fana k'u bɛna kumaɲɔgonyaw kɛ ni talibanw ye walasa u k'a Adamadenw ka hakɛw labaton.