Etats-Unis ni Russie bɛ kumaɲɔgɔnyaw la halisa Ukraine kunkan

Kabini kunu su ɲɔgɔnye krenkrenlen be senna USA ni Russie ni ɲɔgɔncɛ Genève suisse jamana na. O ɲɔgɔnyew bɛ ka kɛ Ukraine makanw ko de la. Nka kabini kumaɲɔgɔnyaw ma damınen fan fila bɛɛ tun bɛ ka bagabagalikanw de ɲɛsin ɲɔgɔn ma. 

Joe Biden, Etats-Unis jamanakuntigi (Nunman fɛ) ni Russie ta Vladimir Poutine (Kini fɛ). U ye nɛgɛjuru kumaɲɔgɔnyaw kɛ ka ɲɛsin Ukraine jamana ma. MANDEL NGAN, Mikhail Metzel AFP/File

« N’an y’a ye ko ɲɛtaga fosi tɛ ka sɔrɔ kow la, ni fan dɔ in mɔgɔw tɛ ka an ka laɲiniw si ta ba la. Nafa fosi tɛna kɛ nin kumaɲɔgɔnyaw la. » Russie kɔkanko minisiri Dakan Sergueï Riabkov ye nin kumakanw de fɔ kunu ka kɔn ɲɔgoɔnyew yɛrɛ ɲɛ. U ni USA ka cidenw ni ɲɔgɔncɛ Ukraine makanw ko la. USA kɔkanko minisiri Antony Blinken fana ye cikan gɛlɛn de fɔ ka ɲɛsin Russie ma kunu CNN jabaraniso sanfɛ. Ale ko ni Russie seginna kokura ka binkaninw ɲɛsin Ukraine ma, k’a sigilen tɛ ni ɲangili sugu min ye, k o de bɛna d’a kan.

Russie jamanakuntigi Vladmir Poutine y’a ka laɲiniw da kɛnɛ kan kabini Décembre kalo tɛmenen Ukraine ko la. A ko k'a t'a fɛ abada Ukraine sen ka don OTAN lakana tɔn kɔnɔ.

Wa USA sɔrasiw fana ka taga kabɔRussie dafɛ jamanaw kɔnɔ. Nka nin bɛɛ la USA marabagaw fana n’u ŋaniya bɛ ɲɔgɔnna, olu bɛ fɛ ka dɔnse de falen ni Russie ye walasa a ka kɛlɛcɛw ka taga kabɔ Ukraine dancɛw la n'o tɛ ɲangiliw bɛ da Russie kan kɛrɛnkɛrɛnna sɔrɔko sirafɛ. Ɲɔgɔnyew bɛ taga ɲɛ jamana fila in ka cidenw ni ɲɔgɔncɛ bi tile tɔ kɔnɔ. Nka fosi t’a jira fɔlɔ k’u bɛna se ka bɛn ko la.