Farajɛla jamanaw ka tɔnba minisiriw ka lajɛ senfɛ, Joseph Borrell k'u tɛna u ka baaraw jɔ ni Mali ye
Faransi jamana na, kunu erɔpetɔnba minisiri dɔw bɛ lajɛrɛ la bi "Brest" Faransi tilebinyanfan fɛ. O lajɛrɛ in senfɛ erɔpetɔnba kɔkanko ɲɛnɛbɔ la Joseph Borrell y'a fɔ kunnafoni kɛnɛ dɔ la k'o erɔpe jamanaw tɛna u ka baaraɲɔgɔnyaw jɔ ni Mali sɔrasiw ye kɛrɛnkɛrɛnna kalan sira fɛ. Nka a k'u tɛna jɛ ni fɛn bɛɛ ye.Kunu diɲɛ tɔnba ɲɛmɔgɔ Antonio Guterres fana y'a kan bɔ kafɔ Mali marabagaw ka sɔn teliyala ka kalata labɛn waatiw fɔ walasa jamana in bɛ se ka bɔ gɛlɛyaw la cogominna.
A jɛnsɛnna :
Joseph Borrell
An bɛ fɛ ka taga ɲɛ n'an ka baaraw ye Mali la, an bɛ fɛ ka taga ɲɛ n'an ka baaraw ye Sahel kɔnɔ. Nka o kɔrɔ tɛ k'an bɛna jɛ ni ko bɛɛ ye.
Erɔpe kɔnkanko ɲɛnɛbɔla Joseph Borrell ye nin kumakanw de fɔ bi kunnafonidilaw ɲɛma Brest, Faransi tilebinyanfan fɛ.
A y'a dakan fana k'o baaraɲɔgonya min bɛ erɔpetɔnba ni Mali sɔrasiw cɛ "EUTM" ka sirafɛ, n'o ye ka Mali sɔrasiw dege sɔrɔsiya tabolow la, ani k'u bila sira. Nka k'o min ye dɛmɛko kɔni ye nafoloko sirafɛ k'u y'o tige kabi n'u y'a ye kafɔ Mali donnatɛmɛfaga marabagaw ŋaniya tɛ ka kalataw labɛn.
Wa Joseph Borrell ka kumaw la a y'a yira kafɔ k'olu ka kangarida kan Mali marabagaw ye k'o si tɛ ka mago ɲɛ, a ko de la u bɛna a ko filɛ jiɲɛmajɔlenna. N'a sɔrɔ erɔpetɔnba fana kan ka "CEDEAO" ka ɲangiliw ɲɔgɔn de ta Mali kama.
Faransi kɛlɛ bolo minisiri Florence Parly fana tun bɛ ka talikɛ ni kunnafonidi kɛnɛ na, ale ka fɔla u bɛna hakilifalenw de kɛ cogominna u bɛ se ka taga ɲɛ n'u ka baaraw ye jatigɛwalekɛli hokumu kɔnɔ Mali la, o min kɛra u n'a kun yɛrɛ ye jamana in kɔnɔ. Nka k'o tɛ se ka kɛ ni fanga ye min ma lakodon sariya fɛ.