Kabi Zanwuyekalo tile fɔlɔ, mɔgɔ ti don Ndjamena, mɔgɔ ti bɔ

Ndjamena, Tchad jamana faaba
Ndjamena, Tchad jamana faaba © Xaume Olleros/Bloomberg via Getty

Ka fara o kan, dugudenw ka kan k'o yɛrɛ deli koo wɛrɛ ra. bɛɛ ka to a nɔɔ ra, walima bɛɛ ka to a ka soo, daan ka sigi donɲɔgɔnn aw ra.

Ganseli

Tchad marabagaw b'a fɛ ka koronabana ɲɛkɔrɔtigɛ, bawo ko Ndjaména dugudenw y'o bolojigi fɛɛrɛw matarafali la. 

Fɔ ka taga bila lɔgɔkun kelen na, baara minw bɛɛ ti wajibi jama ma, o bɛɛ ka kan ka datugu. Tchad minisiri min bi jamanaɲamɔgɔso ka baaraw ɲanabɔ Kalzeubé Payimi Deubet baarabolo dɔw jati desanburukalo tile 31 na, k'olu dɔrɔn le bi se ka to senna, i ko dɔgɔtɔrɔso, furafeeresow, buurufeereyɔrɔw, jiko ni kuranko baarakɛlaw, o n'o ɲɔgɔnna wɛrɛw. 

Minisiri ka fɔ la, kalo kelen dɔrɔn kɔnɔ, koronabana ye mɔgɔ 400 minɛn Ndjaména. 

O fosi ma bali, dugudatugu nin, ka fara yɔrɔkelensigi kan, jamanaden dɔw  sɔnnin tɛ, ko ka d'a kan, a bina na bɔnɛ caaman le lase o ma. kɛnyɛrɛye baarakɛlaw, jagokɛlaw ani seko ni kɔrɔkelenko baarakɛlaw b'o ka nisɔngoyagoya fɔra bɔlɔlɔ forobabarokɛyɔrɔw sanfɛ. 

Kabi kunu wulafɛ, finitigilakaw bɔra ka dugu faan bɛɛ mina, ka sariya labatobaliw diyagoya o ka don o ka soo.