Afri'kibaaru ka bɔlɔlɔkunnafoni jɛnsɛn Dakar ani Paris ni ɲɔgɔncɛ bɔlɔlɔsiraw fɛ

RFI ka kunnafonidisoba
RFI ka kunnafonidisoba © @RFI

Kabini kunu wula, labɛnw bɛɛ sabatira, jatalanw sigira fan bɛɛ, kumakanbɔlanw fana bilala sekan, nin bɛɛ ye Afri'kibaaru kow jɛsɛn tɔw ye.

Ganseli

Afri'kibaaru o de ye RFI Mandenkan ni RFI Fulfulde ye. Nin Hakilina ɲuma tara yasa ka se ka kunafoniya ɲuman di farafina jamadenw ma u yɛrɛ ka kanw na. France Media Monde, CFI ani AFD n'oye Agence Francçaise de developement ye ulu de y'u tɛgɛdi ɲɔgɔn ma kase ka ni ko bɛɛlajɛlen waleya.

Bila kotɛ RFI ka kunnafoniyaw bɛ sɔrɔ faransikan na, farafinna jamana tilan bɛɛ la, kɛrɛnkɛrɛn la Burkina Faso, Niger, Mali, Mauritanie, Senegal, Tchad, Nigeria fo ka ta se Cameroun ma. RFI faransikan lamɛnlendo kɔsɔbɛ nin jamana ninnu bɛɛ la. Jatew la, RFI lamɛn bagaw hakɛ bɛ ta jɔ fo maa  miliɔn kɛmɛ 130 ɲɔgɔn na don o don.

Nin bɛɛ de kama Afri'kibaaru hakilina bila senkan.  RFI Madenkan ni Fulfulde soba sigilen bɛɛ Dakar Senegali Faaba la, Maa bisaba ɲɔgɔn bɛ baarala su ni kile yasa ka se ka kunnafoni ɲuman lase.  

Wa laɲini tɛ dɔ wɛrɛ fosi ye, lamɛn baga cɛmaw  ni muso maw bɛɛ ka se ka famuya ɲuma lasɔrɔ, yirawa ka se ka saabati sahel jamanaw bɛɛ kɔnɔ.