RD CONGO :  Wasadenw sera k'u ka  marabajɛkulu ɲɛma Sylvestre Ilunga Ilunkamba bin

Felix Tshisekedi / Sylvestre Ilunga Ilunkamba
Felix Tshisekedi / Sylvestre Ilunga Ilunkamba © Photomontage RFI - Pascal Mulegwa

"RD CONGO" jamana na, a ko tun bɛ senna kabi lɔgɔkun in daminɛna. Wasadenw sera k'u k'a  marabajɛkulu ɲɛma Sylvestre Ilunga Ilunkamba bin. O kɛra Kunu u ka ɲɔgɔnyeba dɔ sen fɛ. Nka a yɛrɛ ma ye wasabulon kɔnɔ ka sɔrɔ a tun makɔnɔlen bɛ ye. Wasaden 500 la 367 ko a ka walan sɛmɛ.

Ganseli

Nin bɛɛ sɔrɔl a, "RD Congo" jamanaɲɛma Felix Tshisekedi, kɛlen k'a ŋaniya da kɛnɛkan "Décembre" kalo tile 6 tɛmɛnen in na. Kafɔ ka te fɛ ka a ka mara kɛ tuguni ni jamanaɲɛma kɔrɔ Joseph Kbila n'a nɔfɛ maaw ye. Sylvestre Ilunga Ilunkamba dun ye Joseph Kabila masuruma mɔgɔ ye gɛlɛn de ye.

Felix Tshisekedi  sigira fanga la Joseph Kabila nɔla janvier kalo, san 2019, a san filana dafara. Nin wagati bɛɛ kɔnɔ baaraɲɔgɔnya bɛnkaw tun bɛ cɛ fila in cɛ. Nka sisan  Tshisekedi b'a fɛ ka ka mara kɛ a fɛrɛ ma, n'a yɛrɛ ka maa sugandilenw ye.

Sisan Wasadenw ka nin laɲinin b'a to Sylvestre Ilunga Ilunkamba n'a ka marabajɛkulu b'u ka walasɛmɛn sɛbɛn di jamana ɲɛma ma yani tile kelen ka dafa, RD CONGO sariasunba b'o de fɔ. Wasaden dɔw yɛrɛ ko nin ye nisondiyaba ye U ka jamana ɲɛma Felix Tsekidi ma. Kada a kan k'o a yɛrɛ de ka laɲinin tun ye nin ye.

Sylvestre Ilunga kɔni tun y'a fɔ ko nin bɛɛ ye politiki bɛnbɛn-bɛnw de ye a le kama. A tun ko yɛrɛ k'o wasabulon na, donatɛmɛ ɲɛmaw de bɛ yen, charia t'olu yamaruya ka se k'a le bɔ a nɔ na. Nka a tora wasadenw ta de la.