"France" wasadenw ye hakilifalen kɛ "force Barkhane" tɔli walima u tɔlibaliya kan Saheli jamanaw na

"Opération Barkhane", Faransi sorasiw saheli jamanaw na.
"Opération Barkhane", Faransi sorasiw saheli jamanaw na. © AFP/Dominique Faget

O senfɛ kokan minisiri "Jean Yves Le Drian "ye weele lase Saheli jamanaw ma, u ka cɛsiri ka kow boloda politiki sira fanfɛ sanko bɛn ka sabati.

Ganseli

"France" marabaw b'a ŋunuŋunu na ko saheli jamana ɲamaw tɛ sera k'u jɔyɔro fa. kalansow ni forobacagɛdaw tɛ ka dayɛlɛ, o jamanaw fan dɔw la, n'o labila nin dɔ jaatigɛwalenkɛlaw ye. Kamasɔrɔ salon Pau dugu ka lakana ɲɔgon ye kɔ "France" jamana la, sorasiw ye yɔrɔw minɛ jatikɛwalekelaw la.

Kunu wasaden senateruw bulon na, France kɔkanko minisiri "Jean Yves Le Drian" y'a fɔ ko "Pau" ɲɔgonye kun kɛra kɛlɛ kologiriya waati ye. N'Djamena ta bɛna kɛ Saheli jamana ɲamaw ka cɛsiri waati ye sanko kunkɔrɔtaw min sɔrɔ la jatigɛwalenkuluw kɛlɛli la, ka tɛmɛ u ka makaran.

Ntɛnɛ ni tarata nata, jamana duruu minnu bɛ " G5 Sahel" jɛkulu kɔnɔ, o ɲamaw ni "France" ɲamaw bɛna sigi kafɔ kɛ ka ta lakana sabati ko kan.

Wasaden senateruw ye "France" kɛlɛdenw ka minisiri "Florence Parly" ɲiningan Barkhane siniɲasigi kan. Ale  ko, a ka kan baaraɲɔgonya ka boloda "G5" jɛkulu jamanaw ani kɔgɔjida jamanaw cɛ sanko ka jaatigɛwalenw kɔrɔtige a ɲama.