"G5 Sahel" jamanaw ka ɲɔgɔnyeba bɛ senna bi, Ndjamena Tchad Faaba la, yassa ka kuma lakana ko kan

G5 sahel jamanaw
G5 sahel jamanaw © AFP-Sebastien Rieussec

Nka kɛrɛnkɛrɛn na barow bɛna tali kɛ fana Faransi kɛlɛ bolo Barkhane kun kan kow kan. Ani fana Cogodi "G5 sahel" yɛrɛ ka kɛlɛ cɛw bɛ se k'u jɔ ni "sahel" jamanaw ka lakana kow ye, ni Barkhane nana kɛ tabaga ya.

Ganseli

Mauritanie, Mali, Burkina Faso, Niger ani Tchad, nin jamana ninnu bɛɛ ɲɛmaw bɛ ɲɔgɔn sɔrɔ bi Tchad faabala Ndjamena. Faransi jamana ɲɛma Emmanuel Macron a le ni "Europe" tɔnba dɔ Charles Michel ulu tɛna ye kɛnɛ in kan k'o kun kɛ "coronavirusi" bana ye, Nka u bɛ tali kɛ kumaɲɔgɔnyaw la bɔlɔlɔ sira fɛ.

Tile fila kɔnɔ Jamana ɲɛma ninnu bɛna kuma jatigɛwale kɛlɛli de kan, fɛɛrɛ minnu kan ka ta teliya la, nin bɛɛ de bɛna walawala kɛnɛ in kan .

"Janvier" kalo tile 13 san 2020 "G5 sahel" jamana ɲɛmaw ni Faransi ta tun ye ɲɔgɔn ye fɔlɔ dɔ kɛ Faransi yɛrɛ dugu dɔ la "Pau". O kɛra sababu ye latigɛ caman tun tara kɛrɛnkɛrɛn na dɔ farala Faransi kɛlɛcɛw hakeya kan. Faransi kɛlɛcɛba duuru ni kɛmɛ de bɛ sahel kɔnɔ bi.

O kɛlɛcɛw yɛrɛ ka fɔ la u sera ka jatigɛwale kɛlaw fanga dɔgɔ ya kɔsɔbɛ, u ko san 2020 kɔnɔ binkanin dɔgɔyara kɔsɔbɛ sɔrasi dangaw kan Mali, Niger ani Burkina jamana kɔnɔ. Nin bɛɛ la halisa basigi jɔnjɔn ma sɔrɔ ni jamana ninnu si kɔnɔ. Maa minnu bolila k'o duguw bila a ka ca ni maa miliyɔn fila ye "Sahel" kɔnɔ.

O de kama ɲɔgɔnye min bɛ senna bi Tchad, Faransi kɔkanko minisiri ka fɔ la, kuma ɲɔgɔnyaw bɛna sinsin kɔsɔbɛ, basigi, yiriwa ani politiki fɛɛrɛw de kan.