G5 Sahel jamana ɲɛmaw bɛ ɲɔgɔnye la kabi kunu Tchad Faaba la, N'djaména yasa ka kuma lakana ko kan

"G5 SAHEL" jamanakuntigiw ka lajɛ N'Djaména, Tchad faaba la.
"G5 SAHEL" jamanakuntigiw ka lajɛ N'Djaména, Tchad faaba la. AFP - MICHELE CATTANI

Faransi jamana ɲɛma Emmanuel Macron a le bɛ ka talikɛ kumaɲɔgɔnyaw la, bɔlɔlɔ sira fɛ. Nka kɛrɛnkɛrɛn na Faransi kɛlɛ bolo "Barkhane" ka sini ɲɛsigi kuma bɛ senna.

Ganseli

San kelen Faransi dugu "pau" ɲɔgɔnye n'a latigɛw kɔ fɛ.Tchad ɲɔgɔnye min bɛ senna kabi kunu "G5 sahel" jamana ɲɛmaw ni Faransi bɛna fɛɛrɛ kuraw ta jatigɛwale kɛlɛli la, ani ka se fɛɛrɛw bila sen kan yasa sɔrɔ ni yiriwa bɛ se ka sinsin cogomin na Sahel jamanaw kɔnɔ.

Kunu ɲɔgɔnyew daminɛn yɛrɛ la, Tchad jamana ɲɛma Idriss Deby Itno kɛlen ka  dunaw bisimillah a ya ɲini kɛrɛnkɛrɛn na diɲɛ jamanabaw fɛ u ka dɛmɛw ka na kɔtigɛ, kadakan a ka fɔla ni y'a ye jatigɛwale bɛ ka se ka sira sɔrɔ Sahel kɔnɔ, a jubaju ye fantaɲa jugu de ye.

Bi Senegali jamana ɲɛma Maki Sall bɛ se Tchad halini Senegali sen tɛ G5 Sahel la, nka lakana ko ye bɛɛ de ka ko ye. Ghana jamana ɲɛma Nana Akufo Addo fana bɛ ye kaban, a le de ye Farafinna tilebiyanfan tɔnba "CEDEA" ɲɛmaba ye bi.

kumaɲɔgɔnyaw bɛ ta ɲɛ bi ni jamana wɛrɛw ye. Faransi, a le ka kɛlɛcɛ baduuru ni kɛmɛ de Sahel kɔnɔ, nka a bɛ fɛ Sahel  jamanaw yɛrɛw ka jɔ n'u ka jamanadenw ka lana ko ye.

Ani fana Faransi ka laɲini wɛrɛ ye min ye,  kɛlɛ bolo min bɛ ka bila sen kan n'a tɔgɔdara ko "Operation Takuba", o ka baaraw ka se ka sira sɔrɔ teliyala. "Europe" jamana wɛrɛ ka sɔrasiw sen b'o la.