Algérie jamanadenw ka wilikajɔtɔn "Hirak" ka san fila sanyɛlɛma kɛra wilikajɔw kɔnɔ

Algérie jamanadenw ka wilikajɔ dɔ ja, san 2019.
Algérie jamanadenw ka wilikajɔ dɔ ja, san 2019. AFP
A kɛbaga : Issouf ZERBO
Sanga 3

O ho kumu kɔnɔ, Kunu yɛrɛ fana, Kherrata dugu kɔnɔ, wilikajɔw kɛra kamasɔrɔ yamariya kun ma di a talikɛlaw ma.

Ganseli

"Algerie" jamana faba "Alger" ni Kherrata dugu cɛ kilo 300 de bɛ yen. O dugu de kɔnɔ "Fevrier" kalo tile 16 san 2019, jamanadenw ye wilikajɔ daminɛn. O laɲini tun ye ka jamana ɲama kɔrɔ Abdelaziz Bouteflika cɛbɔya kɔn a ka sarati 4 tɛmɛnen kɔ. Lɔgɔkun kelen a daminɛ kɔ, murutili carila "Algérie" jamana mumɛ bɛɛ kɔnɔ. O muruti tɔgɔ dala Hirak, wilikajɔ talikɛlaw kun ko fɔ jamana ɲama kɔrɔ n'a ka jamana mara cɔgɔ bɛ ka falen.

Bouteflika ka fanga kɔ, Abdelmadjid Tebboune ye fanga ta kalata dɔ sababula, nka o kɛra ni sɔrasiw ka dɛmɛ ye. Wilikajɔ ma kɔtigɛ o bɛ kɔ. Nka a san kelen ye sisan ye ni "Algérie" marabaw ye wilikajɔw bɛɛ bali ka kɛ, k'o sababu kɛ koronabana ye.

Nka o natabɛ, kunu murutilikɛbagaw bɔra caman k'u ka nisɔngoya jira jamana mara ko kura la. Olu ka kuma kan na, yɛlɛma fɔyi ma kɛ kabi jamana y'a ka yɛrɛmahɔrɔnya sɔrɔ. San kelen murutili kɔnɔ, Algerie jamanaden 70 ɲɔgon minɛra ka dɔn kaso la.