G5 Sahel: Emmanuel Macron Faransi jamana ɲɛma ye ɲɛfɔlikɛ kobolodalen nataw kan bɔlɔlɔ sira fɛ

Emmanuel Macron, Faransi jamanakuntigi ka kuma lase ni kunnafonidilaw ye  "G5 Sahel" ka lajɛ sen fɛ bɔlɔlɔ sira kan.
Emmanuel Macron, Faransi jamanakuntigi ka kuma lase ni kunnafonidilaw ye "G5 Sahel" ka lajɛ sen fɛ bɔlɔlɔ sira kan. Francois Mori POOL/AFP
A kɛbaga : Issouf ZERBO
Sanga 4

Saheli lakana ko jɛkulu "G5 Sahel" ka tile fila lajɛ kuncɛra kunu taralon na. Emmanuel Macron Faransi jamana ɲɛma ye kuma ta, ka ɲɛfɔlikɛ kobolodalen nataw kan. A ya yira ko faranfasiya kan ka kɛ dinadansagolaw ni siya ko kan.

Ganseli

Emmanuel MACRON

An bɛ minnu kɛlɛ la, o n'u ɲamaw lonnibɛ, o ka laɲini gwɛlen don, dinadansago kumaw de b'u dara, o ye Iyad ni Kufa ka kuluw ye. An b'a fɛ jamanaw ka o baaraw bilasira ni politiki baaraw ye kɛrɛnkɛrɛnyala ni kumaɲɔgonyaw ye. Sanko ka kulu nunnu faranfasiya ka bɔ ɲɔgon na, minnu bɛ politiki ko kuma na ani minnu bɛ siya ko kuma na.

An b'a ye ko siya ko nana don dinadansago walenw la, ka koɲa bɛ fereke ɲɔgon na. Faranfasiyali kan ka kɛ kɛlɛkɛnɛ kan. O yɛrɛ y'an ka kɛlɛ kun dɔ ye n'o bɛ ɲasin na mɔgɔ kɛrɛnkɛrɛnw ma.

Nin bɛɛ la, siraba fila bɛ yen min jɔyɔrɔ ka bon kɔsɔbɛ, o ye Mopti ni Gao sira ye ani Ouagadougou ni Dori sira. O sira filaw kan ka lakana  ka basigi, u ka to jamanaw ka bolo kan.

O ye ne ka laɲini fɔlɔ ye, a fila na, o ye jatigɛwalekɛkuluw "Barkhane" dɔgɔyali ye. N'o waleya la, a bɛna kɛ Faransi kɛlɛcɛw ka kunkɔrɔta ye nka Faransi dɔron ta tɛ, Saheli jamanaw ta de fana, sabu la, o bɛ de y'o laɲini sugandi ɲɔgon fɛ N'Djaména ka ɲɔgonye in labɛn o ho kumu  na.

O kɛra ban sani an ka latigɛ ta k'an ka kɛlɛcɛw to kɛlɛ kɛnɛw kan, jamanaw bɛɛ de bɛn na o laɲini kan fɔlɔ.