Farafinna sifinw minnu san ma tɛmɛ san 20 kan, olu ka dɔlan ɲɔgonkunbɛn "CAN" 1/4 finali

U20 "CAN U20 2021" kuluw.
U20 "CAN U20 2021" kuluw. © Courtesy of CAF

Dɔlan ɲɔgonkunbɛn "CAN" , 1/4 finali sɔrɔbagaw  8 bɛ donna kabi kunu. Cameroun dolankulu y'a jɔrɔfa, Centrafrique jamana ye sira  sɔrɔ. O y'a siyɛn fɔlɔ ye jamana in ka nin hakɛ sɔrɔ dɔlantan ɲɔgondanw na. Mauritanie min kɔnɔ "CAN" bɛ ka tan, a sen bɔra dɔlantan in na.

Ganseli

Kunu Maroc ye Tanzanie bugɔ celu 3 ni 0 ka kulu C ten ta. Gambie fana ye sebaya sɔrɔ Ghana kan 2 ni 1. O jamana fila bɛ bini kuru 4/4 ye. O sababu la o bɛ bi ta 1/4 de finali la.

kulu B la, Burkina Faso, Tunisie ni Centrafrique ye sira sɔrɔ ka taa 1/4 de finali la. Centrafrique jamana siyɛn fɔlɔ ye nin ye ka nin hakɛya sɔrɔ diɲɛ kɔnɔ dɔlantan na.

Ɲɔgon kunbɛn 3 la Cameroun dɔlankulu ye kunkɔrɔta 3 sɔrɔ ka kɛ kulu A ten kan. U ka kulu ɲɔgonkunbɛn tɛmɛnnin na u ye celu 4 don Mozambique la. Etienne Eto'o ye celu 2 don. Ale ye Cameroun dɔlantanna ŋama Samuel Eto'O dencɛ ye. Kulu A kɔnɔ Ouganda de bi fara Cameroun kan ka ta 1/4 de finali la.

Mauritanie jamana min kɔnɔ sifin "CAN" in bɛ ka tan, a ka dɔlantan kulu sen bɔra a ra. U ye kunkorota kelen duron sɔrɔ.