Jɔn ye Mohamed BAZOUM ye, Niger jamana ɲɛmɔgɔ kura ?

Mohamed BAZOUM, Niger jamana ɲɛmɔgɔ kura.
Mohamed BAZOUM, Niger jamana ɲɛmɔgɔ kura. © AFP/ ISSOUF SANOGO

Niger jamana kalatako ɲɛnɛbɔ jɛkulu y'a ka jabiw bɔ , Mohamed Bazoum de ye sebaya sɔrɔ. Ale de  bɛna bila Mahamadou Issoufou nɔna Niger kunna.

Ganseli

Mohamed Bazoum,  bangela  "Janvier" kalo san  1966 Diffa dugu kɔnɔ.  A y'a ka kalan fan  ba kɛ Niger jamana na. A  kɛlen ka bac sɔrɔ, a nana a ka  kalan tɔ dafa  sénégal jamana na.

O kɔ fɛ a segi na ka taga a ka jamana na a ye san caman kɛ kalanfayala. A donna politiki la baarakɛlaw ka lafasatɔn dɔ sen fɛ.

San ba kelen ni kɛmɛ kɔnɔntɔn ni bikɔnɔtɔn, a n'a jeɲɔgɔnw  ye ''parti nigerien pour la démocrtie et le socailisme ( PNDS TARAYYA)'' sigi sen kan. 

A ye wasaden jɔyɔrɔ sɔrɔ siyen nani zender mara kɔnɔ. A ye minsiri ya joyɔrɔ caman sɔrɔ fana  i n'a fɔ, kɔkanko minisiri, jamana kɔnɔko minisiri, ani adw... San ba fila, ni tan ani kɔnɔtɔn,  "Pnds tarayya" ye Mohamed BAZOUM de sugandi pariti kuna k'a bila Mohamadou Issoufou nɔna.  

Décembre kalo san ba fila ni mugan, jamana kuntigi kalata tako fɔlɔ , Mohamed BAZOUM  kɛla cɛ bɔ ye, wa a ye ɲin sɔrɔ.

O de y'a to ale ni a ka sinacɛ Mahamane Ousmane, de tun bɛ ɲɔgɔnna kalata tako filana in na. Kunu kalatako ɲɛnɛbɔ jɛkulu ye jabiw bɔ , Mohamed bazoum de ye sebaya sɔrɔ tuguni. O kɔrɔ ale de bɛna kɛ Niger  jamana kuntigi kura yɛ.