Niger: Mohamed Bazoum de ye sebaya sɔrɔ Mahamane Ousmane kan kunu kalatakoɲɛnɛbɔ jɛkulu ka fɔ la

Mohamed Bazoum, Niger jamana ɲɛmɔgɔ jura, Niger kalatakoɲɛbɔ jɛkulu ka fɔ la.
Mohamed Bazoum, Niger jamana ɲɛmɔgɔ jura, Niger kalatakoɲɛbɔ jɛkulu ka fɔ la. Niger Search

A sinacɛ jamana ɲɛma kɔrɔ Mahame Ousmane ye kalatala 44 murumuru mugan ni duuru de sɔrɔ.

Ganseli

Mohamed Bazoum

N'bɛna kɛ Niger jamanaden bɛɛ de ka jamana ɲɛma ye, maa minnu son na ka ne sugandi ani maa minnu ma kalata ne ye bɛɛ de ye Niger jamanadenw ye.

Mohamed Bazoum ye nin de fɔ a kanubaw ye kunu, kalata koɲɛnɛbɔ jɛkulu kɛlen ka kalata jabiw bɔ k'u bin. Mohamed Bazoum, Niger jamana ɲɛma Mahamadou Issouf masuruma mɔgɔ in, kɛmɛ-kɛmɛ  kalatala 56 de wotera a ye.

Kabini kalata jabi ma bɔ kalatakoɲɛbɔ jɛkulu fɛ, Mahamane Ousmane ka politikitɔn maaw y'u kanbɔ ka fɔ namara de kɛra kalata in na.

O kama u tun y'a laɲini yɛrɛ ko jabiw kana bɔ bi. Falke Bacharou a le ye Mahamane Ousmane ka kalata kan ɲini ɲɛnajɛ kow ɲɛma ye. A ye weele-weele kan bila kunu k'o Niger jamanaden bɛ ka wili k'u jɔ u ka na sɔn abada kalata jabiw ma.

A tun bɛ ka nin kumakan ninnu de fɔ a kanubaw ye Niamey ka sɔrɔ sifin dɔw bɛ makan ci u bɛɛ ka fɔ ''Tchanji, tchanji'' o kɔrɔ yɛlɛma ka kɛ.

O de la jabiw bɔlen kɔ sifinw tun ye wilikajɔw dabɔ nka lakana tigilamaw y'u jɛsɛn ni ɲɛjibɔ gazi ye. Zinder Niger duguba filana fana la wilikajɔw tun bɛ senna.

Nka kalata kɔlɔsibagaw fana tun y'u kanw bɔ ko cɛbɔ fila k'u tɛgɛda u dusu kan, k'u ka sɔn  jabiw ma.