Mali: baarada min ɲɛsinnen don ɲanaminifɛnw kɛlɛli ma, y'a tɛgɛ da "cocaïne" kilo saaba ni kɔ kan

Ɲanaminifɛ min bɛ weele Faransikan na "cocaïne".
Ɲanaminifɛ min bɛ weele Faransikan na "cocaïne". © RFI MANDENKAN

Mali la, baarada min ɲɛsinnen don ɲanaminifɛnw kɛlɛli ma, n’o ye "office central des stupéfiants" ye, o y’a tigɛ da "cocaïne" kilo 3 ni kɔ kan juma tɛmɛnen. A ko kɛra Mali pankurun jiginyɔrɔ "Aéroport Modibo KEITA de Sénou" la.

Ganseli

"Cocaïne" kg 3 ni g 26, o de minɛna  "Ethiopian Airways" taamaden dɔ la. Nigéria jamanaden don, nka a tun bɔtɔ don Brésil jamana de kan. Wasa minɛli in ka kɛ, ɲanaminifɛnw kɛlɛ jɛkulu "office central des stupéfiants" tun kɛlen don k’a tulo n’ ɲɛ kɛrɛbɔsigi. Colonel Adama Tounkara y’o baarada in ɲɛmɔgɔ ye.

Col Adama Tounkara

Cocaïne in minena mɔgɔ min la, o jɔra a la k’a tun kan ka taa feere Mali de la. Wa ko sarati yɛrɛ tun b’ale ni mɔgɔ dɔ cɛ Bamako dunajigisoba dɔ kɔnɔ, wasa a feereli ko ka ɲɛnɲini. Nka dan sigilen filɛ u ka wale in na bawo Mali marabagaw cɛsirilen don ɲanaminifɛnw kɛlɛli la nin y’a san 10 ni kɔ ye.

Col Adama Tounkara

Cocaïne min minɛlen filè, k’a bɛna jenni jama bɛɛ ɲana. A minɛna min bolo, ale bɛ fangatigilamɔgɔw ka bolo kan. A bɛ se ka bila fo san 5 kaso la Mali yɛrɛ la yen. A fɔra ko minnu tun kan k’a dɛmɛ Cocaïne feereli la, olu bɛ ka ɲini bi Bamako kɔnɔ.