Bounty: MINUSMA ka sɛgɛ-sɛgɛliw kɔ, u y'a jira bi ko mugujugu binna duguden gwansanw de fana kan

Faransi sorasiw  "Barkhane" ka pankurun dɔ Mali la.
Faransi sorasiw "Barkhane" ka pankurun dɔ Mali la. © Daphné BENOIT / AFP

Mali la pankurun mugujugu fili min kɛra jamana in camacɛyanfan na Bounty dugu kan Faransi kɛlɛ bolo barkhane fɛ, Janvier kalo tile 3 tɛmɛnen in na. Onu ka bolofara MINUSMA ka jateminɛn sɛbɛn y'a jira bi sɛgɛ-sɛgɛliw kɔ, kafɔ ko mugujugu binna duguden gwansan fana kan. Nka Faranci kɛlɛ bolo bɛ ka sinsin a ka fɔlen kɔrɔ de kan.

Ganseli

Janvier kalo tile saba tɛmɛnen Faransi kɛlɛ bolo barkhane ye pankuru mugujugu fili dɔ kɛ Bounty dugu kɛrɛfɛla dɔ la.

o kɔfɛ kumaw cayara duguden dɔw ko mugujugu in binna duguden gwansan dɔ de kan k'u to kɔɲɔ ɲɛnajɛ la. Nka Faransi kɛlɛ bolo ni Mali ta ye dantigɛliw kɛ o kɔfɛ kafɔ ko mugujugu binna jatigɛwalekɛlaw de kan.

U ye ɲɛfɔli caman kɛ a ko kan. Diɲɛntɔnba ka bolofara min bɛ jamana in kɔnɔ bɛn ni basigi kama Minusma fana ye sɛgɛ-sɛgɛliw dɔ bɔ kabi o waati kelen na ni ko in kan.

Bi o sɛgɛ-sɛgliw jabi de bɔra ka bin. Minusma ka fɔ la Bounty mugujugu fili sen fɛ duguden gwasan mɔgɔ tan 19 de bɔnɛ na u ni na k'u to kɔɲɔn ɲanajɛw la i n'a fɔ dugudenw tun y'a fɔ cogomi na.

Mɔgɔ saaba wɛrɛ sara y'a n'u ka se n'u ye dɔgɔtɔrɔso la. Nka Minusma kɔnɔ kulu min sigilendon adamadenw ka hakɛw batoli lakɔlisili kama, u y'a pereperelatigɛ ka fɔ mɔgɔ duuru tun bɛ mɔgɔ ninnu cɛla marifaw tun b'u bolo, wa u y'a sɛmɛtiya  k'ulu ye jatigɛwalekɛlaw de ye.

Nka halisa Barkhane bɛ k'i sinsin a ka fɔlen kɔrɔ kan, o min ye mugujugu in fili la jati jatigɛwalekɛlaw de kan. Duguden fosi t'un tɛ yɔrɔ in na.