Bi araba "CPI" bɛna fɔ ni Côte d'Ivoire jamanakuntigi kɔrɔ Laurent Gbagbo bɛna labila

Cote d'Ivoire jamanaɲɛmɔgɔ kɔrɔ Laurent Gbagbo, ja dɔ to diɲɛ kiritigɛsoba "CPI"  "La Haya" la, Fevrier kalo tile 6, san 2020.
Cote d'Ivoire jamanaɲɛmɔgɔ kɔrɔ Laurent Gbagbo, ja dɔ to diɲɛ kiritigɛsoba "CPI" "La Haya" la, Fevrier kalo tile 6, san 2020. Jerry LAMPEN ANP/AFP/Archivos

Diɲɛ kititigɛsɔba "CPI" (Cour pénale internationale) bɛna fɔ n'a y'a sɔrɔ Côte d'Ivoire jamanakuntigi kɔrɔ Laurent Gbagbo n'a bɛna bila walima n'a bɛna to  kasɔl a.Laurent Gbagbo jalakilen don ka ye mɔgɔ fagaw kɛ san 2010 ni san 2011 na, kalata mankanw sen fɛ Côte d'Ivoire jamana na.

Ganseli

Laurent Bbagbo dɛ yɛ jamana kuntigi fɔlɔ yɛ min ka kiti kɛra diɲɛ kitigɛsɔ ba CPI la. A ka kiti daminɛnen ni si san cɛ a bɛ  san 10 ɲɔgɔnma. Bi araba diɲɛ kitigɛsɔ ba bɛna a ka kasɔ hakɛ fɔ, walima ka bila ka bɔ kasɔla.

Laurent Gbagbo ka kiti in bɛ kɔ nani dɛ kan: ka yɛ Côte d'Ivoire jamandenw faga, ka binkaniw kɛ mogow kan, toɲɔniw ani kɛwalen jugu wɛrɛw mogow kan san 2010 ni san 2011 kɔnɔ kalata mankanw sen fɛ, n'a ya ban Alassane Dramane Ouattara kana ɲɛmaya la a ka sebaya soroli kofɛ jamana kuntigi kalata la.

O pilitiki mankanw y'a tɔ mɔgɔ ba 3 bonɛna u ni la Côte d'Ivoire jamana la. A ka Kiti dɔ sen fɛ janvier kalɔ la san 2019 la, kitigɛlaw y'a bila, nka o san kɛlɛ in na, septembre kalo kɔnɔ, diɲɛ kitigɛsɔ ba ka kitigɛla min tɔgɔ procureur, Fatou Bensouda ko kiti ka kɛ tuguni.

Kabini o waati la diɲɛ kitigɛsɔ ba y'a bila ka bɔ kasɔla, nka kitigɛlaw ka kɔlɔsiliw bɛ tɔ a kan Belgique jamana la. Laurent Gbagbo ɲina a bɛ san 75 la, a ni ka minisiri kɔrɔ Charles Blé Goudé n'u ka bilali senbɛtiyara kitigɛla fɛ bi araba, u bɛ sɔn kana Côte d'Ivoire jamana la tɛliya la.