Bounti: adamadenw ka hakɛ lafasalitɔn wolonfila ko Faransi ka sɛgɛ-sɛgɛli jɛlenw kɛ nin ko in kan

Bounti dugu ja, a  tara MINUSMA baarakɛla dɔw fɛ, k'u to pankuru dɔ kɔnɔ.
Bounti dugu ja, a tara MINUSMA baarakɛla dɔw fɛ, k'u to pankuru dɔ kɔnɔ. © Crédit MINUSMA / AFP

Mali jamana na, diɲɛtɔnba ka sɛgɛ-sɛgɛliw jabi kɔ Bounti, Faransi kɛlɛ bolo Barkhane ka mugujugu fili ko kan. Adamadenw ka hakɛ lafasalitɔn wolonfila de y'u kan bɔ kunu kafɔ Faransi sera ka sɛgɛ-sɛgɛli jɛlenw kɛ nin ko in kan, tiɲɛ ka se ka fɔ mɔgɔw ye. 

Ganseli

An b'a ɲini Farandi fɛ a ka pankurun mugujugu fili min kɛra janvier kalo tile 3 san 2021 Bounti dugu kan, a ko tiɲɛ  fɔ te."

Adamadenw ka hakɛ lafasabagatɔn 7, "Action contre la faim, care France, handicap international, fidh, observatoire Kisal ani Oxfam France" ni de tun y'ulu de ka kumakanw ye dantigɛli sɛbɛn dɔ kɔnɔ min bɔra kunu.

U ka fɔla Faransi kan ka kɛ misaliya ɲuma ye, duguden siviliw lakanali kow la.

Wa u ko Faransi kan ka kunnafoniya ɲumaw di mɔgɔw ma, dɔgɔ-dɔgɔ ko ka bɔ a la, min kɛra Bounti n' a y'a sɔrɔ mugujugu in sera jati dugudenw de ma, u ka hakɛ ka d'u ma walima u somɔgɔw ma.

Lafasatɔn ninnu b'u sinsin a kan u ka dantigɛli sɛbɛn in kɔnɔ.

Ko ɲina ma kan ka kɛ abada, jatigɛwalen kɛlɛli kow la, adamadenw ka hakɛ kɔ. Baɲumakɛtɔn ninnu y'a dakan fana ka fɔ k'u bɛ diɲɛtɔnba ka bolofara minusma ka laɲiniw kɔkɔrɔmadon Bounti mugujugu fili ko in na.