Niger: Ouhoumoudou Mahamadou, de sungandila k'a kɛ Niger jamana marabajɛkulu ɲɛmɔgɔ ye

Ouhomou Mahamadou, Niger marabajɛkulu ɲɛmɔgɔ kura.
Ouhomou Mahamadou, Niger marabajɛkulu ɲɛmɔgɔ kura. © ©Presidence de la republique du Niger

Niger jamana, Mohammed BAZOUM ye  Ouhoumoudou Mahamadou, de sungandi ka kɛ Niger jamana marabajɛkulu ɲɛmɔgɔ kura ye . Cɛ in tun bɛ jamanaɲɛmɔgɔ kɔrɔ Mahamadou ISSOUFOU masurunya mɔgɔ dɔ ye. Wa a ye minisiya jɔ yɔrɔ caman sɔrɔ. "PNDS" politikiton mɔgɔba dɔ don.

Ganseli

Ouhoumoudou Mahamadou bɛ san biwɔrɔ ni wɔrɔ la. Sɔrɔ ko dɔnbaga sɛbɛn b'a bolo. Jamana kɔ kan, a tun ye jɔyɔrɔba sɔrɔ "CEDEAO" ka bolofara min bɛ wari  maraw kama. Cɛ in ye jamanakuntigi kɔrɔ Mahamadou Issoufou masuruyan mɔgɔ ye, bawo u fila bɛɛ bɛ bɔ dugu kelen na, n'o ye TAHOUA ye .

Ale yɛrɛ de kama Tahoua dugudenw y'u kan di Mohamed Bazoum ma ka caya jamana ɲɛmɔgɔkalata tɛmɛnen na.

Kabi san ba kelen  kɛmɛ kɔnɔtɔn ni bikɔnɔtɔn  "PNDS" Politikitɔn tun bɛ sigila wagati min na o kɛla a ɲɛna. O politikitɔn la fana a ka kumakan lamɛnendon kɔsɔbɛ.  

A sungandila ka kɛ wasaden ye siyɛn fila. A ye minisiya jɔyɔrɔ caman sɔrɔ. A kɛla  sɔrɔ  ani dugu jukɔrɔnafolow minisiri ye . A ye san wɔrɔ kɛ kankɔrɔsigiya la Mamaoudou Issoufou ka fanga wati la.

A ye san caman min kɛ marabagajɛkulu kɔnɔ, o de y'a to jamanakuntigi Mahamed BAZOUM y'a sungadi k'a kɛ marabagajɛkulu ɲɛmɔgɔ ye.  Sere dɔw ka fɔ la jamana dɛmɛ bagaw ka danaya b'a kan kɔsɔbɛ. Sisan baara to ye  ka marabagajɛkulu minisiriw sungandi.