Mali: "Etats-Unis" ko marabajɛkulu ka waati sugandi kalafiliw bɛna kɛ min na
A jɛnsen na : A falen na :
Etats-Unis y’a laɲini kunu Mali marabagaw fɛ, k'u ka waati sugandi kalafiliw bɛna kɛ o min kɔnɔ yani camancɛ-fanga kun ka cɛ. Etats-Unis y’o laɲini kamasɔrɔ diɲɛ tɔnba, ONU, ale sigalen bɛ lakana sabatili ko la Mali kɔnɔ nin waati la.
ONU ka lajɛrɛ dɔ sen fɛ kunu bɔlɔlɔ sira kan , Linda Thomas-Greenfield, n’ale ye Etats-Unis lasigiden ye ONU kɔnɔ, muso in y’a kanbɔ k'a laɲini kalafili jɛlen ka labɛn Mali la kɛrɛnkɛrɛnyala yani furancɛfanga kun ka cɛ.
Diɲɛ tɔnba ɲɛmɔgɔ dankan Jean-Pierre Lacroix fana y’o laɲini kelen in fɔ ani k’u bi Mali politimɔgɔw lajija u ka fɛɛrɛw tigɛ walasa o kalafiw k’a kɛ basigi ani jɛlenya kɔnɔ. O min ye fɛɛrɛ dɔ ye walasa Mali jamana ka mara i'n’a fɔ sariyasunba b’a laɲini cogomina, Jean-Pierre Lacroix ka fɔla.
Faransi lasigiden fana y’i kanbɔ, wa ko kalafiliw ka kɛ ka bɛn ni Mars kalo san 2022 ye.
Kamasɔrɔ kalafiliw ko fɔlen bɛ Mali la ka kɛ san 2022 daminɛ nka don kɛrɛnkɛrɛnnen ma sugandi a kola fɔlɔ.
Kunu lajɛrɛ in kɛnɛ kan fana diɲɛ tɔnba ONU ɲɛmɔgɔ dankan Jean-Pierre Lacroix y’a haminanko fɔ Mali lakana ko kan, kɛrɛnkɛrɛnyala a camancɛ yanfana na.