Mali: "CMA" ɲɛmɔgɔ Sidi Brahim Ould Sidati, fagara bi Bamako
A jɛnsen na :
Sidi Brahim Ould Sidati, "Coordination des mouvements de l'Azawad (CMA)", ɲɛmɔgɔ fatura bi kɛnyɛrɛye dɔgɔtɔrɔso dɔ la Bamako, Mali faaba la. Bi taratadon sɔgɔma, mɔgɔ lakodɔnbali dɔw ye marifakisɛ ci a la.
Sidi Brahim Ould Sidati, tun b'a ka so da la Bamako, bi sɔgɔma ni bolimanfɛn sen fila tigi dɔw sera a ma. Mɔgɔ fila tun bɛ bolimanfɛ in sanfɛ, serew dɔw ka fɔ la, olu dɔ la kelen ye kisɛ ci. "CMA" ɲɛmɔgɔ in jɔgin na, ani a nɔfɛmɔgɔ dɔ.
Kunda kɛra n'u ye joona dɔgɔtɔrɔso dɔ la, Mali faaba la. Nka, ko in tun tara ka dan kɛ, cɛ in nin tora a la. A masurunyamɔgɔw m'a dogo: a fagara de. "Cɛ fila minnu tun bɛ moto la, u nana a faga de", seere dɔ ka fɔ la.
Sidi Brahim tun ye "Mouvement arabe de l’Azawad, MAA" ɲɛmɔgɔ ye fɔlɔ. A bɛ bɔ Mali kɔrɔnyanfan na. "CMA" jɛkulu tɔgɔ la san 2015, a ye bolonɔbila kɛ "Accord d'Alger" sɛbɛn na, bɛn hokumu kɔnɔ ni Mali marabajɛkulu ye.
Banbaci kɔrɔ tun don, nka bɛn ni kelenya segini Mali jamana kɔnɔ, a jɔyɔrɔ tun ka bon o la.