"RD Congo": kalo naani kɔ, "Félix Tshisekedi" ka fanga ye marabajɛkulu kuru sigi

Sama Lukonde Kyenge "RD Congo marabajɛkulu ɲɛmɔgɔ kura min sungandila jamanakuntigi Félix Tshisekedi fɛ, Février kalo tile 15, san 2021.
Sama Lukonde Kyenge "RD Congo marabajɛkulu ɲɛmɔgɔ kura min sungandila jamanakuntigi Félix Tshisekedi fɛ, Février kalo tile 15, san 2021. © Capture d'écran chaîne Youtube Sama Lukonde

Kalo naani (4) tɛmɛnen kɔ, RD Congo jamana ye marabajɛkulu kuru sɔrɔ kunu ntɛnɛdon.A denw tɔgɔ dala kɛnɛ kan jamana ɲamaa "Félix Tshisekedi" ka kuma lasela kasongo Mwema. Mɔgɔ 57 de sugnadila n'o fanba ye jamana ɲamaa ka politikitɔn mɔgɔw ye. A jɛɲɔgɔn kuraw "jean Pierre Bemba" ni "Moïse Katumbi" ka masuruya mɔgɔ fana b'o cɛra.

Ganseli

"RD Congo" marabajɛkulu ɲamaa kura "Sama Lukonde" ye minisiri 57 de sugandi. O cɛra muso 14 bɛ yen. Siiifinw ye jɔrɔyɔrɔ caman sɔrɔ. A mɔgɔ kuraw de ka ca kɔsɔbɛ.

Jamana ɲamaa "Félix Tshisekedi" ka jɛɲɔgɔnya n'a nɔnabila "Joseph Kabila" ma se ka sabati fɔnɲɔgɔnkɔw kɔsɔn.

O y'a kɛ, wasadenbulon ni wasadenbabulon "sénat" ɲamaaw dafirila. Sisan Fanga ka politikitɔn ye jɛɲɔgɔnya kura latigɛ ni "Moïse Katumbi" ani "Jean-Pierre Bemba" ka politikitɔnw ye sanko ka jamana mara. Marabajɛkulu kura in kɔnɔ jɔyɔrɔ dila olu ka politikitɔndenw ma.

Misali la "Eve Bazaïba", "Jean-Pierre Bemba" ka politikitɔn ɲamaa, kɛra lamini minisiri ye ani fana marabajɛkulu dankan de don.  "Moïse Katumbi" masurunya mɔgɔ, "Christophe Lutundula" sugandila ka kɛ kɔkanko minisiri ye. 

"Gilbert Kabanda "sigira kɛlɛbolo minisiriyala. "Daniel Aselo Okito" kɛra jamana kɔnɔkominisiri ye. Olu fila ye "Félix Tshisekedi"masurunya mɔgɔw ye. Minisiriw fanba bɛɛ bɛ bɔ fanga ka politikitɔn de kɔnɔ.

Ka sɔrɔ marabajɛkulu kɔrɔ , a ka minisiriw hakɛya tkun ye 23, a jɛɲɔgɔn kɔrɔ "Joseph Kabila tun bɛni minisiri 43 ye.