"Afrique du Sud": jamana in kiiriso y'a ɲini Jacob Zuma fɛ, k'a yɛrɛ k'a ka ɲangili fɔ
A jɛnsen na :
Jalaki b'a kan k'a sen bɛ sɔrɔ yurugu-yurugu walew la, a ka san 8 fanga wagati, la."Afrique du Sud" jamana kɔnɔ, Jacob Zuma ka kiritigɛlaw y'a ɲini k'a yɛrɛ ka ɲangi fɔ. Jamana in kɔrɔ "Jacob Zuma" jalaki la k'a ye kuma jugu fɔ jamana kiriso ma ani ka yurugu-yurugu waleyaw kɛ a ka fanga wagati la.
Kabi a ka kiri bolodala Jacob Zuma tɛmɛnna kiiritigɛlaw ɲɛma ciyen kelen dɔrɔn de la san 2019 "Juillet" kalo ra. A tun ma sigi ka mɛ o don yɛrɛ. Kiiritigɛlaw dɛsɛla ka ɲini a fɛ, a ka ɲangili fɔ min kan ka da a yɛrɛ kan.
Arabadon in de dira Jacob Zuma ma. Yani bi ka laban a k'a ka ɲaŋini hakɛ fɔ.
N'a ma bɔ a sira ma, a ka ɲaŋini bɛ se ka kɛ a kɔ. A ka kiiri yɛrɛ bɛ se ka kɛ a kɔ.
Sory Ibrahim Diabagaté ko tɛn.
A ka kiiri in senfɛ, Jacob Zuma ye kuma jugu caman fɔ, jamana kiiriso ma, kunnafonidisow kɔnɔ. O kɔsɔn, a ka Kiiritigɛlaw ɲɛmaa "Raymond Zondo" y'a ɲini ko Sariyasunba kɔlɔsi kiriso ka san fila kaso ɲanŋi bin a kan.