Niger: jamanadenw ye tasibilakɛ ka ɲɛsin lakɔliden 20 ni kɔ minnu nin tora tasumakasara la

Tasumakasara ye kalanso dɔ minɛ, Niamey dugu kɔnɔ,Niger faaba la, mɔgɔ 20 bɔnɛna u nin na. Avril kalo tile 13, san 2021.
Tasumakasara ye kalanso dɔ minɛ, Niamey dugu kɔnɔ,Niger faaba la, mɔgɔ 20 bɔnɛna u nin na. Avril kalo tile 13, san 2021. AP - Boureima Issoufou

Tasibila bɛ ka kɛ halisa ka ɲɛsin u ka lakɔliden mugan ni kɔ minnu nin tora tasumakasara la, u ka lakɔliso kɔnɔ.Kunu kalanfaw, lakɔliden somɔgɔw fɔ ka taa se sigidaden dɔw ma, u bɛɛ de ye ɲɔgɔnsɔrɔ kasara in kɛyɔrɔ la k'u ka dusumatɔrɔ jira. 

Ganseli

Tasumafagalen kɔ "pompier" fɛ, denmisɛn ninnu su tun tɛ se ka lajɛ. Lakɔliden denmisɛn mugan ani kɔ, u si b'a ta san 3 ka taa bila san 5 de la.

Kunu lakɔliso in ɲɛmɔgɔ Habibata Gaya ani ɲɛji de tun bɛ ka tasibilakɛ a ka lakɔliden ninnu ye, nka kuma tun ka gɛlɛn a ma, a sera ka fɛn kelen min fɔ, ko ni Allah ye min kɛ, o de kaɲi. Habibata Gaya kɛrɛfɛ, Balaraba Ibrahim fana tun jɔlenbɛ, ko in bɛɛ kɛra a le ɲɛna, a ka fɔla tasuma ye kalanso fɔlɔ dɔ de minɛ, fiyɛn teliyara ka a lase kalanso tɔw bɛɛ ma.

Lakoliden minnu si ka kɔrɔ dɔni ulu sera ka sira sɔrɔ k'u yɛrɛ nin kisi. Fitini ninnu de ma se k'u yɛrɛ bɔ. Balaraba Ibrahim fana bɛ ka nin bɛ lakale kasɔrɔ a ɲɛ falendon jila, a le yɛrɛ balimaden dɔw tɔra nin kasara in na.

Lakɔliso in tun jɔlendon ni kalaw ni bin jalanw de ye, Niger fancaman o bɛ kɛ, wa ni t'a siyɛn fɔlɔ ye tasuma k'o lakɔliso ɲɔgɔn dɔ minɛ, nka nin kasara ɲɔgɔn ma deli ka kɛ yen.