Diɲɛ kɛnɛyako tɔnba bolofara Farafinna,"OMS Afrique", ko fɛɛrɛ bɛna ta yasa Farafinna bɛɛ bolo ka ci

Dr Michel Yao, diɲɛ kɛnɛyako tɔnba "OMS" bolofara Farafinna, ɲɛmɔgɔ.
Dr Michel Yao, diɲɛ kɛnɛyako tɔnba "OMS" bolofara Farafinna, ɲɛmɔgɔ. @drmichelyao1/Twitter

Diɲɛ kɛnɛyako tɔnba bolofara Farafinna "OMS Afrique" y’a ka dɔgɔkun kunnafoni lajɛrɛ kɛ kunu bɔlɔlɔ sira fɛ.Tɔn in ɲɛmɔgɔw ani kɛnɛya tigilamɔgɔ wɛrɛw kuma na misalila "coronavirus" boloci-furaw kan.

Ganseli

Kunnafoni lajɛrɛ in kan kuma kɛra misalila coronavirus boloci-furaw kan. 

Diɲɛ kɛnɛyako tɔnba, "OMS" bolofara Farafinna, o ɲɛmɔgɔ Dr Richard Mihigo ko Farafinna jamana kelen-kelen minu ma "Coronavirus" boloci-fura sɔrɔ fɔlɔ, fɛɛrɛw talen don ka see ka boloci-fura ninnu lataga o jamanaw kan teliyala.

Jamana dɔw yɛrɛ la i n'a fɔ Ghana ani Rwanda, boloci-fura ninnu ma bɔlikɛ yen, olu yɛrɛ b’a ɲinina k'a san n’u tɔgɔla wari ye, nka u t’a sɔrɔ la.

Min ye joli-kuru sigi ye mɔgɔ dɔw farila "Etats-Unis" ani "Europe" u bolocili kɔ misalila ni "Johnson and Johnson" ye walima "Astra Zeneca" ye n’o ye "coronavirus" boloci furaw ye, DR Richard Mihigo  ko Farafinna kɔnɔ joli-kuru sigi ma kɛ mɔgɔw farila minnu bolocira misalila ni "Astra Zeneca" ye i n'a fɔ jamana dɔw la. 

Dr Richard Mihigo ka fɔla fana ni jamana dɔw ye "coronavirus" boloci matarafa  kasɔrɔ dɔw m'a kɛ, o bɛ sɔn ka gɛlɛya lase bana in kɛlɛli ma.  

Kɛnɛya tigilamɔgɔ minnu tun bɛ nin lajɛrɛ kɛnɛ kan, misalila "Afrique du sud" furako cakɛdaba ɲɛmɔgɔ Dr Boitumelo Semete ani Dr Richard Mihigo yɛrɛ, o bɛɛ sinsin na kan ko "Coronavirus" boloci-fura ninnu nafa k’a bon n’a kɔlɔ-kelen kelenw ye.