"Sénégal": mankanw cayalendon sanfɛ kaladenw ni ɲɔgɔncɛ

Sanfɛ kalanso Cheikh Anta Diop, Dakar, Sénégal faaba la (ja).
Sanfɛ kalanso Cheikh Anta Diop, Dakar, Sénégal faaba la (ja). © RFI/Ndiassé SAMBE

"Sénégal" fabala sanfɛ kalanso Cheikh Anta Diop la, tɔn min tɔgɔ "Conseil Restreint" n'a bɛ yen kalan taabɔlɔ ɲuma kama y'a jira ko kalandenbaw ka jɛkulu ka balan fɔlɔ. Tɔn in y'a ɲini fana ko kalandenbaw ka bɔnw ka datugu sanfɛ kalanso Cheikh Anta Diop la. A ka ni ŋaniya sɔrɔla siya wɔlɔma kɛlɛ dɔ de senfɛ kalandenbaw ni ɲɔgɔncɛ fɔ mɔgɔ kɛlɛ nin tɔra a la. 

Ganseli

"Conseil restreint", ladilitɔn kalandenbaw kama sanfɛ kalanso Cheikh Anta Diop, Sénégal fabala la,ye kalandenbaw ka lafasalitɔnw bala, a sɔrɔla mars kalo tile 25 tɛmɛnen su k'a dugujɛ a tile 26 la, siyawɔlɔma kɛlɛ dɔ de kɛra kalandenbaw ni ɲɔgɔncɛ. O siyawɔlɔma kɛlɛ kɛra jɛkulu fila de ni ɲɔgɔncɛ, n'o ye Kekendo ni NDEF LENG jɛkuluw ye.

KEKENDO jɛkulu, ye kalandenba minnu bɛ bɔ Casamance, NDEF LENG fana ye kabila min tɔgɔ Sérère kalandenbaw ka jɛkulu ye. O siyawɔlɔma kɛlɛ, u ni ɲɔgɔncɛ, a kɛra sababu ye fɔ Ismaïla Gaoussou Diémé jɔgina kɔjugu a laban ka ban kari tɛmɛnen. Kasɔrɔ ale ye kalan jɔ sanfɛ kalanso Cheikh Anta Diop la kabini san 2015 la.

O kama "Conseil restreint" sanfɛ kalanso Cheikh Anta Diop la ka ɲɔgɔnye sen fɛ kunu, a y'a ŋaniya ta ka lakɔlidenw ka jɛkulu bɛ bala ani cakɛda min tɔgɔ COUD, n'a bɛ jɔni kalandenbaw ka kunkan kow ye, ka ɲini a fɛ a ka kalandenbaw ka bɔnw fana datugu fɔlɔ. Nka kalandenbaw ma sɔn o la, f'u ye wulikajɔ kɛ kunu sanfɛ kalanso Cheikh Anta Diop la k'u nusongoya jira.