Tchad: Idriss Déby Itno sara cɛya la

Idriss Déby Itno, Tchad jamanaɲɛmɔgɔ n'a fatura bi ntɛnɛn, banciw kɛlɛli dɔ senfɛ.
Idriss Déby Itno, Tchad jamanaɲɛmɔgɔ n'a fatura bi ntɛnɛn, banciw kɛlɛli dɔ senfɛ. AP - Andrew Harnik

Marchale, Idriss Déby fatura bi tarata, Ndjaména sorasiw ka dɔgɔtɔrɔso la, Tchad faaba la.

Ganseli

Idriss Déby Itno,Tchad jamanakuntigi, a tun bɛ jamana in kunna ni y’a san 30 ye. Wa segin kɛra kunu ntɛnɛn k’a kɛ jamanaɲɛmaa ye kokura.

Idriss Déby tun ye Frajɛla baaraɲɔgɔn gɛlɛn ye bɛn hokumu kɔnɔ Sahɛli jamanaw na.

A ka san 30 in kɔnɔ, Tchad jamana kunna, a kalenkan tun ye ka banbaciw silatunu kabɔ a ka jamana kan pewu.

Dɔgɔkun furancɛ tɛmɛnen in na, a n’a ka kɛlɛcɛw tun bɛ Tchad jamana kɔrɔnyanfan na, ka banbaciw kɛlɛ. O kɛlɛ senfɛ, u ye banbaci 300 faga. Nka Idriss Déby yɛrɛ jogin na o kɛlɛ de senfɛ.

Kunnafoni caman y’a jira ka fɔ, k’a joginnen kɔ, u nana n’a ye Djaména sorasiw ka dɔgɔtɔrɔso la, yasa k’a fura kɛ.

Kabi, kunu ntɛnɛn ŋunuŋunukanw tun bɛ k’a ka saya kuma fɔ bɔlɔlɔw sanfɛ.

Nka, sɔgɔmada in de la, a ka saya kunnafoni sɛbɛntiyala Tchad jabaraniso fɛ.