Tchad: banbanci jɛkulu "FACT" ɲɛmɔgɔw k’u ma jɛ ni donnatɛmɛ fanga sigili ye

"FACT",Tchad banbaci jɛkulu dɔ, munnu k'u ma jɛ ni donnatɛmɛ fanga sigili ye.
"FACT",Tchad banbaci jɛkulu dɔ, munnu k'u ma jɛ ni donnatɛmɛ fanga sigili ye. . Ejército de Chad/AFP

Tchad jamana ɲɛmɔgɔ Idriss Deby fatura kunu, a dencɛ Mahamat Idriss Deby ye donnatɛmɛ fanga ‘’CMT’’ ɲɛmɔgɔya taa. Nka banbanci jɛkulu "FACT" ɲɛmɔgɔw k’u ma jɛ n’o ye. 

Ganseli

Tchad ɲɛmɔgɔ Idriss Deby ni banbanci minnu  tun bɛ ɲɔgɔn na sibiridon, o jɛkulu ɲɛmɔgɔw y’a lase k’olu bina u kunda Tchad Faaba kan sisan,  sabu k’u ma jɛ nin lonnatɛmɛ fanga ‘’Conseil Militaire de Transition’’sigi cogo ye, k’u b’a fɛ o jɛkulu in ɲɛmaya ka di sivilw ma. 

Idriss Deby dencɛ Mahamat Idriss Deby de ye lonnatɛmɛ fanga ‘’CMT’’ ɲɛmɔgɔya taa wa k’o na boli kalo 18 kuntala kɔnɔ. ‘’

 ‘’so tɛ pan, a den ka munuma’ o de kɛra Mahamat Idriss Deby taa ye, sabu ale yɛrɛ le tun bi Tchad kɛlɛbolo ɲɛmaa jamana in kɛnyɛnkan fɛ kabi tile kɔnɔtɔn ɲɔgɔn walasa ka FACT banbanciw kɛlɛ. Idriss Deby ka sɔrɔ k’a taa u dɛmɛ lɔgɔkun furancɛ in na. A jogginna o kɛlɛ min sen fɛ kasɔrɔ k’a lataga N’Djamena furakɛli la. 

Tibesti mara kɔnɔ, Libye dansɛ gɛrɛfɛ, misalila,Tchad kɛlɛbolo nin banbanciw ka telin ka kari ɲɔgɔn na yen. 

San 2019 février kalo la, u tun y’a ɲini ka fanga bɔsi Idriss Deby la, nka o ma waleya Faransi kɛlɛbolo ka dɛmɛ senfɛ, u ye mugu ci banbanci ninnu kan nin kɛlɛkɛ-pankurunw ye.