Tchad: fangasinaw k'u ma sɔn sɔrasiw ka fangan ta ma

"Général" looloo nani tgi, Mahamat Idriss Déby Itno, Tchad donnatɛmɛfanga  ɲɛmɔgɔ, avril kalo tile 11, san 2021, Ndjamena.
"Général" looloo nani tgi, Mahamat Idriss Déby Itno, Tchad donnatɛmɛfanga ɲɛmɔgɔ, avril kalo tile 11, san 2021, Ndjamena. © MARCO LONGARI/AFP

Tchad jamana ɲɛmaa Idriss Deby Itno ka saya kɔ halisa jamana in kɔnɔ siran ani siga-siga de bɛ jamanadenw fanba la. Fangasinaw ni jamanadenw tɔgɔlatɔnw fana bɛ k'u bambakan halisa ko fanga kabɔ sɔrasiw bolo k'a di siviliw ma. 

Ganseli

Bɔlɔlɔ forobakumayɔrɔ twitter sanfɛ, Fangasinapolitikitɔn ''les transformateurs'' ɲɛmaa "Succès Masra" ye weale bila Tchad jamanadenw ma k'u bɛɛ ka jɛ ka sigika fɔ kɛ, yasa u bɛ se ka donnatɛmɛ fanga jɔsenw bila senkan cogomina. Kadakan ale ka fɔla a ma kan cogosila Tchad jamana ka kɛ mɔgɔ dɔ fa ciyɛn ye. A ka nin kuma ninnu ɲɛsilendon Mahamat Deby Itno jamana ɲɛmaa dencɛ min ye fanga ta de ma.

Fangasina "Succes Masra" k'o fana a sera Tchad jamanadenw ka wuli kabɔ sunɔgɔ la u k'u ɲɛyɛlɛ ka ɲɛ, k'o sɔrasiw kɛlen ye ka fanga ndaraki. Idriss Deby Itno yɛrɛ ka fangasinaw la bele-bele Saley Kebzabo ale ka weele kan kɛra Tchad jamanadenw bɛɛ ka faraɲɔgɔn kan ka kɛ kelenye basigi ka se ka sɔrɔ.

A ko ciyɛndon bi Tchad bɛ waati gɛlɛn kɔnɔ, nka a tɛ se ka ɲɛnabɔ ni kunfɛ koye, fɔ bɛ de ka sɔn k'i tɛgɛda a dusu kan ka faso bila fɛn bɛɛ sanfɛ. Taratadon jamanadenw tɔgɔlatɔn dɔw fana y'u ka jɔrɔ kofɔ, ulu ko yɛrɛ sɔrasiw ka ni waleya in tɛ fosi ye fanga dafirikɔ. O tɔn ɲɛmɔgɔ dɔ "Max Loalngar" kafɔ la, halini jamana ɲɛma Idriss Deby sara kɛlɛ la, a ma kan sɔrasiw ka fanga ta ka k'u ta ye.